قاراعاندىدا "التىن اربا" بازارىنداعى ٷش دەمحانا ٶرتەندٸ. ٶرت سٶندٸرۋگە 52 قۇتقارۋشى مەن 15 تەحنيكا جۇمىلدىرىلدى. ٶرت اۋماعى 500 شارشى مەتر بولدى, - دەپ حابارلايدى Tengrinews.kz.
بازاردا ٶرت شىققانى تۋرالى حابارلاما ٶرت سٶندٸرۋ قىزمەتٸنە 01.03-تە كەلٸپ تٷسكەن. وقيعا ورنىنا بٸردەن قاراعاندى وبلىسى تجد كٷشتەرٸ جٸبەرٸلگەن. وقيعا ورنىنا كەلگەن ولار "التىن اربا" بازارى اۋماعىنداعى ٷش فاست-فۋد نىسانىندا اعاش قاپتاما, جىلىتقىش, جيھاز, جابدىقتار مەن اس ٷي كەرەك-جاراقتارى جانىپ جاتقانىن انىقتاعان.
ٶرتتٸڭ جالپى اۋماعى - 500 شارشى مەتر.
"قۇرباندار مەن زارداپ شەككەندەر جوق. ٶرت 01.52-دە اۋىزدىقتالدى. ٶرتتٸ سٶندٸرۋگە 52 قىزمەتكەر مەن 15 تەحنيكا جۇمىلدىرىلدى. ٶرتتٸڭ شىعۋ سەبەبٸ انىقتالىپ جاتىر", - دەدٸ قاراعاندى وبلىسى تجد باسپاسٶز قىزمەتٸ ٶكٸلٸ.
