فوتو: تجم باسپاسٶز قىزمەتٸ
قاراعاندىداعى كٶپقاباتتى ٷيدە ٶرت شىققان پەتەردٸڭ قوجايىنى زەينەتكە شىققان پوليتسييا پولكوۆنيگٸ جەنە ونىڭ وتباسى مٷشەلەرٸ ەكەنٸ بەلگٸلٸ بولدى, دەپ حابارلايدى قازاقپارات.
كەشە قاراعاندىداعى وت شارپىعان پەتەردٸڭ يەسٸ - زەينەتتەگٸ پوليتسييا پولكوۆنيگٸ. قازا تاپقان تاعى ەكٸ ادام - ونىڭ جۇبايى مەن اعاسى بولعان.
70 جاستاعى پولكوۆنيك رينات شوقاەۆ بۇعان دەيٸن قر ٸٸم ب. بەيسەنوۆ اتىنداعى قاراعاندى اكادەميياسىنىڭ ساپتىق بٶلٸم بويىنشا باستىعىنىڭ ورىنباسارى بولىپ جۇمىس ٸستەگەن.
ول اكادەمييا كۋرسىنىڭ باستىعى بولعان. مارقۇمنىڭ دوستارى مەن تانىستارىنىڭ ايتۋىنشا, رينات كەنجەبايۇلى وسى ۋنيۆەرسيتەتتٸڭ دامۋىنا زور ٷلەس قوسقان. كٶپتەگەن وفيتسەرلەردٸ تەربيەلەگەن. ول 70 جاستا ەدٸ.
پەتەردە سونىمەن قاتار ولاردىڭ 43 جاستاعى ۇلى بولعان.
ونىڭ 8-شٸ قاباتتىڭ تەرەزەسٸنەن قالاي قۇلاپ كەتكەنٸ ەلٸ بەلگٸسٸز. قازٸر ول اۋرۋحانادا جاتىر.
«ناۋقاستىڭ جاعدايى ورتاشا اۋىر. ەسٸن بٸلەدٸ. جانساقتاۋ بٶلٸمٸندە. دەرٸگەرلەر بارلىق قاجەتتٸ مەديتسينالىق كٶمەك كٶرسەتٸپ جاتىر. ناۋقاس كەۋدە قۋىسىنان جابىق جاراقات العان, جٸلٸنشٸك سٷيەكتەرٸ سىنعان», - دەپ حابارلادى قاراعاندى وبلىسى دەنساۋلىق ساقتاۋ باسقارماسىنىڭ باسپاسٶز قىزمەتٸ.
ەسكە سالا كەتەيٸك, 10 قاڭتار كٷنٸ ساعات 21:29-دا قاراعاندى قالاسىندا رەسپۋبليكا داڭعىلى, 18/2 مەكەنجايىندا ٶرت شىققانى تۋرالى حابار تٷستٸ.
16 قاباتتى, 127 پەتەرلٸ تۇرعىن ٷيدٸڭ 8-قاباتىنداعى پەتەردە جالپى الاڭى 30 شارشى مەتر اۋماقتا ٶرت شىققان.
1979 جىلى تۋعان ەر ادام جانىپ جاتقان پەتەردٸڭ بالكونىنان قۇلاپ, مەديتسينالىق مەكەمەگە جاتقىزىلدى.
تەكسەرۋ بارىسىندا ٷش ادامنىڭ دەنەسٸ تابىلدى (بولجام بويىنشا ەكٸ ەر ادام مەن ەيەل).
سونداي-اق, قاراعاندى وبلىسىنىڭ تجد باسشىلىعى گاز جارىلىسى راستالماعانىن حابارلادى. وقيعا ورنىنان گاز قۇرىلعىلارى تابىلماعان.
كٶپقاباتتى ٷيدەگٸ ٶرت بويىنشا قىلمىستىق كودەكستٸڭ 204-بابى 2-تارماعىمەن قىلمىستىق ٸس قوزعالدى.
