قاراعاندى, شىمكەنت قويمالارىنان سۇرانىسقا يە دەرٸ-دەرمەك تابىلدى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸ پاراسات دەپارتامەنتٸنٸڭ ديرەكتورى عانيجان اسانۇلى ايتتى, دەپ حابارلايدى "ۇلت اقپارات".
«جەكە جەتكٸزۋشٸلەردٸڭ قويمالارىندا سۇرانىسقا يە دەرٸ-دەرمەكتٸڭ ٷلكەن كٶلەمدە بولۋ فاكتٸلەرٸ انىقتالدى. بۇل - دەرٸ-دەرمەكتٸڭ جاساندى جەتٸسپەۋشٸلٸگٸنە جول اشىپ وتىر. مەسەلەن, قاراعاندى وبلىسىندا قويمالاردا ساتىلماعان پاراتسەتامول, اسپيرين دەرٸلەرٸنٸڭ 600 مىڭ قاپتاماسى انىقتالدى. مونيتورينگ قورىتىندىسىمەن ولار جەدەل دەرٸحانالارعا جەتكٸزٸلدٸ», - دەدٸ ول اگەنتتٸكتٸڭ باسپاسٶز قىزمەتٸ الاڭىندا ٶتكەن بريفينگ بارىسىندا.
سونىمەن قاتار ونىڭ دەرەگٸنشە, شىمكەنتتە جەكە جەتكٸزۋشٸلەردٸڭ قويمالارىندا ەۋفيلين, انالگين, پاراتسەتامول, تسەفوزالين سىندى سۇرانىسقا يە پرەپاراتتار انىقتالعان.
ولار بٸر اپتا بويى سەرتيفيكاتى بولماعاندىقتان قويمادا جاتىپ قالعان.
