قاراعاندى وبلىسىندا سۋ تاسقىنىنان قورعاۋعا ارنالعان شارالار قابىلدانۋدا. كەپتەلٸستەر مەن سۋ باسۋدىڭ الدىن الۋ ٷشٸن ٶزەندەردە مۇز جارۋ جۇمىستارى باستالدى, دەپ حابارلايدى "ۇلت اقپارات".
وبلىستىق تجد حابارلاعانداي, وساكاروۆ اۋدانى نيكولاەۆكا اۋىلىنىڭ ماڭىندا سابىرقوجا ٶزەنٸندە جارىلىس جۇمىستارى جٷرگٸزٸلدٸ.
قۇتقارۋشىلار تۇرعىنداردان اباي بولۋدى سۇرايدى.
«ەش جاعدايدا مۇزعا شىقپاڭىزدار, سەبەبٸ جارىلىس تولقىنىنان مۇز بەتٸندە جارىقتار پايدا بولادى. كٶكتەمدە سۋ قويمالارىندا مۇز ٷستٸنەن ٶتۋ ٶتە قاۋٸپتٸ», - دەپ ەسكەرتەدٸ ۆەدومستۆودا.
ٶڭٸردە قار شىعارۋ, سۋ ٶتكٸزۋ قۇرىلىستارىن تازالاۋ سەكٸلدٸ باسقا دا جۇمىستار جالعاسۋدا. تجد مەلٸمەتٸنشە, ەلدٸ مەكەندەردەن ميلليون تەكشە مەتردەن استام قار شىعارىلدى. 1 600 استام سۋ ٶتكٸزۋ قۇرىلىستارى تازارتىلدى.
نەگٸزگٸ سۋ قويمالارىنان سۋ اعىزۋ جٷرٸپ جاتىر.
