© Photo: قر تجم باسپاسٶز قىزمەتٸ
قاراعاندى وبلىسىندا «ارسەلورميتتال تەمٸرتاۋ» اق-نىڭ كوستەنكو اتىنداعى شاحتاسىندا قازا بولعان كەنشٸلەر سانى ٶستٸ, قۇتقارۋشىلار شاحتادان تاعى تٶرت ازاماتتىڭ دەنەسٸن تاپتى, - دەپ حابارلايدى "ۇلت اقپارات" تٶتەنشە جاعدايلار مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆو مەلٸمەتٸنشە, ساعات 15:00-دەگٸ جاعداي بويىنشا 42 ادامنىڭ دەنەسٸ تابىلىپ, 4 كەنشٸنٸ ٸزدەۋ جالعاسىپ جاتىر.
"اۆارييانى جويۋ جٶنٸندەگٸ رەسپۋبليكالىق جەدەل شتابتىڭ باسشىسى, تٶتەنشە جاعدايلار مينيسترٸ, گەنەرال-مايور سىرىم شەرٸپحانوۆ شاحتاعا تٷستٸ. ٶرت تۇتانعان جەنە كەنشٸلەردٸڭ قازا بولعان جەرلەرٸنە تەكسەرۋ جٷرگٸزٸلدٸ.
اۆارييانى جويۋ جٶنٸندەگٸ جەدەل شتاب تەۋلٸك بويى ٸزدەستٸرۋ-قۇتقارۋ جۇمىستارىن ٷيلەستٸرٸپ جاتىر. ەڭ قاۋٸپسٸز جەنە كەنشٸلەر بولۋى مٷمكٸن ىقتيمال ۋچاسكەلەر بويىنشا تاۋ-كەن قۇتقارۋشىلارىنىڭ ٶتۋ جولدارى پىسىقتالۋدا.
ٸزدەستٸرۋ جۇمىستارى بٸر-بٸرٸنەن شامامەن 4 كم قاشىقتىقتا ورنالاسقان ەكٸ ٶندٸرۋ ۋچاسكەسٸنٸڭ اۋدانىندا جٷرگٸزٸلٸپ جاتىر" - دەلٸنگەن حابارلامادا.
ۆەدومستۆو مەلٸمەتٸنشە, تاۋ-كەن قۇتقارۋشىلارى قاجەتتٸ جابدىقتارمەن جەنە بايلانىس قۇرالدارىمەن قامتاماسىز ەتٸلگەن. سونداي-اق گاز جاعدايىن باقىلاۋ جالعاسىپ جاتىر.
"ٸزدەستٸرۋ-قۇتقارۋ جۇمىستارىنا «كەسٸبي ەسكەريلەندٸرٸلگەن اۆارييالىق-قۇتقارۋ قىزمەتتەرٸنٸڭ رەسپۋبليكالىق ورتالىق شتابى» جشس قاراعاندى فيليالىنىڭ 55 تاۋ-كەن قۇتقارۋشىسى جەنە 15 تەحنيكاسى جۇمىلدىرىلدى.
ال شۇعىل مەديتسينالىق كٶمەكتٸ قامتاماسىز ەتۋ ٷشٸن 21 ادام جەنە 7 بٸرلٸك جەدەل مەديتسينالىق جەردەم تەحنيكاسى جۇمىلدىرىلدى.
بۇدان باسقا, تجم جەنە قاراعاندى وبلىسىنىڭ تجد-دا رەسپۋبليكالىق جەنە وبلىستىق جەدەل شتابتار جۇمىس ٸستەيدٸ" - دەلٸنگەن حابارلامادا.
