قاراعاندى وبلىسىندا جوعالعان كەسٸپكەردٸڭ دەنەسٸ تابىلدى

"5 مامىردا نۇرا اۋدانىندا جٷرگٸزٸلگەن ۇزاق ٸزدەۋ جۇمىستارىنىڭ نەتيجەسٸندە قاراعاندى ​​وبلىسى تٶتەنشە جاعدايلار دەپارتامەنتٸنٸڭ قۇتقارۋ بٶلٸمشەلەرٸ تاسسۋات اۋلىنىڭ ماڭىنان 8 سەۋٸردە جوعالىپ كەتكەن, 1958 جىلى تۋعان ن.ح.سٷلەيمەنوۆتٸڭ مەيٸتٸن تاپتى", - دەلٸنگەن حابارلامادا.

قۇتقارۋشىلار جوعالعان ادامدى 10 سەۋٸر مەن 5 مامىر ارالىعىندا نۇرا ٶزەنٸنٸڭ ارناسى بويىمەن ٸزدەگەن.

"ترالداۋ ەدٸسٸمەن 32 شاقىرىم, ەحولوتپەن 23 شاقىرىم ٸزدەدٸك, ۆيزۋال تٷرٸندە 75 شاقىرىمدى قارادىق, كۆادروكوپتەرمەن 35 شاقىرىمدى تەكسەردٸك. جاياۋ جٷرٸپ, جاعالاۋ ايماعى سۋ بەتٸنٸڭ 17 شاقىرىمى قارالدى. سونداي-اق, نۇرا ٶزەنٸنٸڭ ماڭىنداعى 45 شاقىرىم جەر جاياۋ تەكسەرٸلدٸ. 1 200 شارشى مەتر اۋماعىندا سٷڭگۋٸرلەر جۇمىس جٷرگٸزدٸ. تجد كينولوگييالىق بٶلٸمٸ 18 شاقىرىمدى تەكسەردٸ. سۋدا جٷزەتٸن كەمەلەر ٶزەن ارناسىنىڭ 170 شاقىرىمىن قاراپ شىقتى. ٸزدەستٸرۋ جۇمىستارىنا تٸكۇشاق جۇمىلدى. سونىمەن قاتار اەروۆيزۋال تەكسەرۋ ٷشٸن موتورپاراپلاندار قولدانىلدى, ولار شامامەن 30 شاقىرىمدى قارادى.

سوعان قاراماستان, قۇتقارۋشىلار ٷمٸتٸن ٷزبەي, بٸر جەردٸ بٸرنەشە رەت تەكسەرٸپ, جەدەل ٸزدەستٸرۋ جۇمىستارىن توقتاتپادى. مارقۇم جاعالاۋدان 50 مەتر تٶمەندە, كٶلٸك تابىلعان تۇستان تٶرت شاقىرىم جەردەن تابىلدى", - دەدٸ تجم ٶكٸلدەرٸ.

نۇرلان سٷلەيمەنوۆ شارۋا قوجالىعىنىڭ باسشىسى جەنە Nur Otan دەپۋتاتى بولعان. ول 8 سەۋٸردە قاراعاندى ​​وبلىسىنىڭ نۇرا اۋدانىندا جوعالىپ كەتكەن. كەيٸن ونىڭ جول تالعامايتىن كٶلٸگٸ, قالپاقشاسى مەن سىرت كيٸمٸ نۇرا ٶزەنٸنەن تابىلعان بولاتىن.