ۆيدەودان سكرينشوت
قاراعاندى وبلىسىندا جوعالىپ كەتكەن 13 جاستاعى جاسٶسپٸرٸم بٸر تٷندٸ دالادا ٶتكٸزٸپ, شالشىق سۋ ٸشٸپ امان قالعان, دەپ حابارلايدى كتك ارناسى.
بەيبارىس ەسٸمدٸ وقۋشى ساباقتان كەيٸن دوستارىمەن ويناۋ ٷشٸن قاراباس اۋىلىنا بارعان. كەشكە اناسى حابارلاسقان سوڭ, ول اباي قالاسىنا قايتپاق بولادى. الايدا بەلگٸسٸز سەبەپپەن اۆتوبۋسقا مٸنبەي, جاياۋ قايتۋعا شەشٸم قابىلداعان.
كٷن باتقان ۋاقىتتا جاسٶسپٸرٸم اناسىنا اداسىپ كەتكەنٸن جازىپ, توڭىپ, شٶلدەگەنٸن حابارلاعان. وسىدان كەيٸن دابىل قاعىلىپ, بالانى ٸزدەۋگە ەرٸكتٸلەر, پوليتسييا جەنە قۇتقارۋشىلار جۇمىلدىرىلدى.
تٷنٸ بويى جٷرگٸزٸلگەن ٸزدەۋ جۇمىستارى نەتيجەسٸندە بەيبارىس تاڭسەرٸدە اباي قالاسىنان شامامەن 15 شاقىرىم جەردەن تابىلدى. ونى دۋبوۆكا اۋىلىنىڭ تۇرعىنى بايقاپ, بٸردەن تەرتٸپ ساقشىلارىنا حابار بەرگەن.
“قورىققان, توڭىپ قالعان. فۋتبولكاسىن جامىلىپ جاتقان. شٶلدەن ەرنٸ كەۋٸپ كەتٸپتٸ. ەڭ باستىسى – امان”, – دەدٸ اناسى ايجان ناقىشەۆا.
قازٸرگٸ ۋاقىتتا بالانىڭ جاعدايى جاقسى. ماماندار اتا-انالاردى بالالارىن قاراۋسىز قالدىرماۋعا شاقىرىپ وتىر.
ەسكە سالا كەتەيٸك, بۇعان دەيٸن قوستانايدا جوعالىپ كەتكەن جاسٶسپٸرٸمنٸڭ دەنەسٸ تابىلىپ, وقيعا قوعامدا ٷلكەن الاڭداۋشىلىق تۋعىزعان ەدٸ.
