Videodan skrinshot
Qaraǵandy oblysynda joǵalyp ketken 13 jastaǵy jasóspirim bir túndi dalada ótkizip, shalshyq sý iship aman qalǵan, dep habarlaidy KTK arnasy.
Beibarys esimdi oqýshy sabaqtan keiin dostarymen oinaý úshin Qarabas aýylyna barǵan. Keshke anasy habarlasqan soń, ol Abai qalasyna qaitpaq bolady. Alaida belgisiz sebeppen avtobýsqa minbei, jaiaý qaitýǵa sheshim qabyldaǵan.
Kún batqan ýaqytta jasóspirim anasyna adasyp ketkenin jazyp, tońyp, shóldegenin habarlaǵan. Osydan keiin dabyl qaǵylyp, balany izdeýge eriktiler, politsiia jáne qutqarýshylar jumyldyryldy.
Túni boiy júrgizilgen izdeý jumystary nátijesinde Beibarys tańsáride Abai qalasynan shamamen 15 shaqyrym jerden tabyldy. Ony Dýbovka aýylynyń turǵyny baiqap, birden tártip saqshylaryna habar bergen.
“Qoryqqan, tońyp qalǵan. Fýtbolkasyn jamylyp jatqan. Shólden erni keýip ketipti. Eń bastysy – aman”, – dedi anasy Aijan Naqysheva.
Qazirgi ýaqytta balanyń jaǵdaiy jaqsy. Mamandar ata-analardy balalaryn qaraýsyz qaldyrmaýǵa shaqyryp otyr.
Eske sala keteiik, buǵan deiin Qostanaida joǵalyp ketken jasóspirimniń denesi tabylyp, oqiǵa qoǵamda úlken alańdaýshylyq týǵyzǵan edi.
