قاراعاندى وبلىسىنىڭ جاڭاارقا كەنتٸندە كٶپقاباتتى ٷيدٸڭ بٸرٸنشٸ قاباتىندا ٷش بٶلمەلٸ پەتەر ٶرتەنٸپ كەتتٸ, دەپ حابارلايدى "ۇلت اقپارات".
ٶرت سٶندٸرۋشٸلەر جوعارعى قاباتتاعى پەتەرلەردٸڭ بٸرٸندە ەس-تٷسسٸز جاتقان ەكٸ ەيەلدٸ تاۋىپ الدى. ولاردىڭ بٸرٸ قايتىس بولدى, ەكٸنشٸسٸ اۋىر حالدە.
«25 ماۋسىم كٷنٸ ساعات 19:22-دە قاراعاندى وبلىسى, جاڭاارقا اۋدانى, جاڭاارقا كەنتٸندە بولعان ٶرت تۋرالى حابارلاما كەلٸپ تٷستٸ. ٶرت سٶندٸرۋ بٶلٸمشەلەرٸ كەلگەن سەتتە ٷش قاباتتى تۇرعىن ٷيدٸڭ 1-قاباتىنداعى اۋدانى 60 شارشى مەتر ٷش بٶلمەلٸ پەتەردٸ وت شارپىعانى انىقتالدى.
جانىپ جاتقان پەتەردەن باسپالداق مارشى بويىنشا 4 ادام, ونىڭ ٸشٸندە 3 بالا قۇتقارىلدى. سونداي-اق, جوعارعى قاباتتاردىڭ پەتەرلەرٸن تەكسەرۋ كەزٸندە 3-قاباتتاعى پەتەرلەردٸڭ بٸرٸنەن كٶمٸرقىشقىل گازىمەن ۋلانۋ بەلگٸلەرٸ بار ەس-تٷسسٸز جاتقان ەكٸ ەيەل تابىلدى. زارداپ شەككەندەردٸڭ بٸرٸ, 1969 جىلى تۋعان ەيەل اۋرۋحانادا قايتىس بولدى, 1961 جىلى تۋعان ەكٸنشٸ ەيەلدٸڭ جاعدايى اۋىر. زارداپ شەككەن ٷي تۇرعىنى كٶرۋ قابٸلەتٸ ناشار مٷگەدەك, ال قايتىس بولعان كەلٸنشەك ونىڭ كٶمەكشٸسٸ بولعان», - دەپ حابارلادى قاراعاندى وبلىسى تجد باسپاسٶز قىزمەتٸنەن.
ٶرت ساعات 20:11-دە سٶندٸرٸلدٸ. ونىڭ شىعۋ سەبەبٸ انىقتالۋدا. وقيعا ورنىندا قاراعاندى وبلىسى تجد سىناق زەرتحاناسىنىڭ ماماندارى جۇمىس ٸستەيدٸ.
