فوتو: تجم
قاراعاندى وبلىسىندا قولايسىز اۋا رايىنا بايلانىستى جولدا قالىپ قويعان ازاماتتارعا قۇتقارۋشىلار كٶمەك كٶرسەتتٸ, دەپ حابارلايدى Ult.kz.
تٶتەنشە جاعدايلار مينيسترلٸگٸنٸڭ مەلٸمەتٸنشە, وساكاروۆ اۋدانىندا وساكاروۆكا كەنتٸنەن 7 شاقىرىم جەردە ورنالاسقان وبلىستىق ماڭىزى بار «وساكاروۆكا – نۇرا» اۆتوجولىنىڭ جابىق ۋچاسكەسٸندە 9 جەڭٸل اۆتوكٶلٸك قارعا باتىپ قالعان. وقيعا ورنىنا جەدەل جەتكەن قۇتقارۋشىلار جول تالعامايتىن ارنايى تەحنيكامەن 22 ادامدى, ونىڭ ٸشٸندە 3 بالانى ەۆاكۋاتسييالاپ, سەلستروي اۋىلىنا جەتكٸزدٸ. زارداپ شەككەندەرگە مەديتسينالىق كٶمەك قاجەت بولماعان.
سونداي-اق نۇرا اۋدانىندا نۇرا كەنتٸندەگٸ جابىق بلوك-بەكەتتە جينالىپ قالعان كٶلٸكتەردەن 21 ادام, ونىڭ ٸشٸندە 3 بالا ەۆاكۋاتسييالانىپ, جىلىتۋ پۋنكتٸنە جەتكٸزٸلدٸ.
بۇدان بٶلەك, نۇرا كەنتٸنەن 12 شاقىرىم جەردە اۋدارىلىپ قالعان جەڭٸل اۆتوكٶلٸكتەن بٸر ادام قۇتقارىلىپ, ەلدٸ مەكەنگە جەتكٸزٸلدٸ. تاعى بٸر جاعدايدا نۇرا كەنتٸنەن 15 شاقىرىم جەردە تەحنيكالىق اقاۋعا بايلانىستى توقتاپ قالعان جەڭٸل كٶلٸكتەن ەكٸ ادام ەۆاكۋاتسييالانىپ, نۇرا كەنتٸنە جەتكٸزٸلگەن. بارلىق جاعدايدا دا مەديتسينالىق كٶمەك قاجەت بولماعان.
تٶتەنشە جاعدايلار مينيسترلٸگٸ تۇرعىندارعا جولعا شىعار الدىندا اۋا رايى جاعدايىن جەنە اۆتوجولداردىڭ جاي-كٷيٸن ەسكەرٸپ, قاۋٸپسٸزدٸك شارالارىن ساقتاۋدى ەسكەرتتٸ.
