Foto: TJM
Qaraǵandy oblysynda qolaisyz aýa raiyna bailanysty jolda qalyp qoiǵan azamattarǵa qutqarýshylar kómek kórsetti, dep habarlaidy Ult.kz.
Tótenshe jaǵdailar ministrliginiń málimetinshe, Osakarov aýdanynda Osakarovka kentinen 7 shaqyrym jerde ornalasqan oblystyq mańyzy bar «Osakarovka – Nura» avtojolynyń jabyq ýchaskesinde 9 jeńil avtokólik qarǵa batyp qalǵan. Oqiǵa ornyna jedel jetken qutqarýshylar jol talǵamaityn arnaiy tehnikamen 22 adamdy, onyń ishinde 3 balany evakýatsiialap, Selstroi aýylyna jetkizdi. Zardap shekkenderge meditsinalyq kómek qajet bolmaǵan.
Sondai-aq Nura aýdanynda Nura kentindegi jabyq blok-bekette jinalyp qalǵan kólikterden 21 adam, onyń ishinde 3 bala evakýatsiialanyp, jylytý pýnktine jetkizildi.
Budan bólek, Nura kentinen 12 shaqyrym jerde aýdarylyp qalǵan jeńil avtokólikten bir adam qutqarylyp, eldi mekenge jetkizildi. Taǵy bir jaǵdaida Nura kentinen 15 shaqyrym jerde tehnikalyq aqaýǵa bailanysty toqtap qalǵan jeńil kólikten eki adam evakýatsiialanyp, Nura kentine jetkizilgen. Barlyq jaǵdaida da meditsinalyq kómek qajet bolmaǵan.
Tótenshe jaǵdailar ministrligi turǵyndarǵa jolǵa shyǵar aldynda aýa raiy jaǵdaiyn jáne avtojoldardyń jai-kúiin eskerip, qaýipsizdik sharalaryn saqtaýdy eskertti.
