قاراعاندى وبلىسىندا 8 شٸلدە كٷنٸ 50 گەكتاردان استام جەردٸ الىپ جاتقان دالا ٶرتتەرٸن ساناماعاندا, باسقا ۇساق ٶرت وشاقتارى جويىلدى. ٷلكەن الاڭداردا 5 تابيعي ٶرت وشاعى باقىلاۋدا, دەپ حابارلايدى "ۇلت اقپارات".
قاراعاندى وبلىسىندا تابيعي ٶرتتەردٸڭ جاعدايى تۇراقتاندى. 8 شٸلدەدەگٸ جاعداي بويىنشا بەس وشاق باقىلاۋدا قالىپ وتىر.
بارلىق ۇساق دالا ٶرتتەرٸ جويىلدى. ۇلىتاۋ اۋدانىندا, جانگەلدٸ, اقتاس, شەڭبەر جەنە امانگەلدٸ اۋىلدىق وكرۋگتەرٸنٸڭ اۋماعىندا ٸرٸ وشاقتار وقشاۋلاندى.
جالىندى سٶندٸرۋ جۇمىسى جالعاسىپ جاتىر.
سونداي-اق, اقتوعاي اۋدانىنىڭ ورتادەرەسٸن اۋىلدىق وكرۋگٸنٸڭ اۋماعىندا بولعان ٶرت اۋىزدىقتالدى.
ەستەرٸڭٸزگە سالا كەتەيٸك, قاراعاندى وبلىسىنىڭ ۇلىتاۋ اۋدانىندا 1 شٸلدەدە بٸرنەشە دالا ٶرتٸ تٸركەلگەن بولاتىن.
كەيٸننەن اۋداننىڭ ٷش اۋىلدىق وكرۋگٸندە تٶتەنشە جاعداي جارييالاندى. ٶرتتەن بٸر ادام قازا تاپتى.
جالپى قاراعاندى وبلىسىندا دالا ٶرتٸن سٶندٸرۋگە 1 مىڭعا جۋىق ادام جۇمىلدىرىلدى.
