Qaraǵandy oblysynda 8 shilde kúni 50 gektardan astam jerdi alyp jatqan dala órtterin sanamaǵanda, basqa usaq órt oshaqtary joiyldy. Úlken alańdarda 5 tabiǵi órt oshaǵy baqylaýda, dep habarlaidy "Ult aqparat".
Qaraǵandy oblysynda tabiǵi órtterdiń jaǵdaiy turaqtandy. 8 shildedegi jaǵdai boiynsha bes oshaq baqylaýda qalyp otyr.
Barlyq usaq dala órtteri joiyldy. Ulytaý aýdanynda, Jangeldi, Aqtas, Sheńber jáne Amangeldi aýyldyq okrýgteriniń aýmaǵynda iri oshaqtar oqshaýlandy.
Jalyndy sóndirý jumysy jalǵasyp jatyr.
Sondai-aq, Aqtoǵai aýdanynyń Ortaderesin aýyldyq okrýginiń aýmaǵynda bolǵan órt aýyzdyqtaldy.
Esterińizge sala keteiik, Qaraǵandy oblysynyń Ulytaý aýdanynda 1 shildede birneshe dala órti tirkelgen bolatyn.
Keiinnen aýdannyń úsh aýyldyq okrýginde tótenshe jaǵdai jariialandy. Órtten bir adam qaza tapty.
Jalpy Qaraǵandy oblysynda dala órtin sóndirýge 1 myńǵa jýyq adam jumyldyryldy.
