قاراعاندى وبلىسىندا 75 اۋىل ەكٸمٸ لاۋازىمىنا 268 ادام ٷمٸتكەر بولىپ وتىر. سايلاۋعا كانديداتتاردى تٸركەۋ اياقتالدى. 15 شٸلدەدە ٷگٸت ناۋقانى باستالدى, دەپ حابارلايدى "ۇلت اقپارات".
وبلىستا اۋىل ەكٸمدەرٸنٸڭ العاشقى تٸكەلەي سايلاۋىنا 303 كانديدات – 216 ٶزٸن-ٶزٸ ۇسىنعان جەنە ساياسي پارتييالاردان 87 كانديدات ۇسىنىلدى.
تەكسەرۋ نەتيجەلەرٸ بويىنشا 25 ٷمٸتكەر مەملەكەتتٸك قىزمەت تالاپتارىنا سەيكەس كەلمەگەندٸكتەن باس تارتىلدى.
توعىز ادام كانديداتۋراcىن ٶز ەركٸمەن الىپ تاستادى.
«اۋماقتىق سايلاۋ كوميسسييالارىمەن 268 كانديدات تٸركەلدٸ, ولاردىڭ 187-سٸ – ٶزٸن-ٶزٸ ۇسىنۋشىلار, 81-ٸ – پارتييا ٶكٸلدەرٸ. ورتاشا العاندا, بەسەكەلەستٸك بٸر ورىنعا 3,5 ادامدى قۇرايدى. سايلاۋ تارتىسىنا 5–6 ٷمٸتكەر قاتىساتىن وكرۋگ بار», – دەپ حابارلادى وبلىستىق سايلاۋ كوميسسيياسى.
تٸركەلگەن كانديداتتاردىڭ ٸشٸندە 226 (84%) - ەر ادام جەنە 42 (16%) - ەيەل ادام. بارلىعىنىڭ جوعارى بٸلٸمٸ بار. ورتاشا جاسى 40-تان سەل اسادى.
ماماندىعى بويىنشا زاڭگەرلەر مەن ەكونوميستەر باسىم. كەي ٷمٸتكەرلەردٸڭ اۋىلشارۋاشىلىق ماماندىقتارى بار.
ەستەرٸڭٸزگە سالا كەتەيٸك, قاراعاندى وبلىسىندا اۋىل ەكٸمدەرٸنٸڭ العاشقى تٸكەلەي سايلاۋى 25 شٸلدەدە ٶتەدٸ. ول 149 ەلدٸ مەكەندە ۇيىمداستىرىلادى. 75 اۋىل ەكٸمٸن سايلاۋ كەرەك.
بولاشاق اۋىل باسشىسىنا 81 مىڭنان استام سايلاۋشى داۋىس بەرە الادى.
سايلاۋدى ٶتكٸزۋگە 164 سايلاۋ كوميسسيياسى – 15 اۋماقتىق جەنە 149 ۋچاسكەلٸك كوميسسييا جۇمىلدىرىلادى.
