Qaraǵandy oblysynda 75 aýyl ákimi laýazymyna 268 adam úmitker bolyp otyr. Sailaýǵa kandidattardy tirkeý aiaqtaldy. 15 shildede úgit naýqany bastaldy, dep habarlaidy "Ult aqparat".
Oblysta aýyl ákimderiniń alǵashqy tikelei sailaýyna 303 kandidat – 216 ózin-ózi usynǵan jáne saiasi partiialardan 87 kandidat usynyldy.
Tekserý nátijeleri boiynsha 25 úmitker memlekettik qyzmet talaptaryna sáikes kelmegendikten bas tartyldy.
Toǵyz adam kandidatýracyn óz erkimen alyp tastady.
«Aýmaqtyq sailaý komissiialarymen 268 kandidat tirkeldi, olardyń 187-si – ózin-ózi usynýshylar, 81-i – partiia ókilderi. Ortasha alǵanda, básekelestik bir orynǵa 3,5 adamdy quraidy. Sailaý tartysyna 5–6 úmitker qatysatyn okrýg bar», – dep habarlady oblystyq sailaý komissiiasy.
Tirkelgen kandidattardyń ishinde 226 (84%) - er adam jáne 42 (16%) - áiel adam. Barlyǵynyń joǵary bilimi bar. Ortasha jasy 40-tan sál asady.
Mamandyǵy boiynsha zańgerler men ekonomister basym. Kei úmitkerlerdiń aýylsharýashylyq mamandyqtary bar.
Esterińizge sala keteiik, Qaraǵandy oblysynda aýyl ákimderiniń alǵashqy tikelei sailaýy 25 shildede ótedi. Ol 149 eldi mekende uiymdastyrylady. 75 aýyl ákimin sailaý kerek.
Bolashaq aýyl basshysyna 81 myńnan astam sailaýshy daýys bere alady.
Sailaýdy ótkizýge 164 sailaý komissiiasy – 15 aýmaqtyq jáne 149 ýchaskelik komissiia jumyldyrylady.
