قاراعاندى وبلىسىندا 936 مىڭ گا القاپتا استىق جيناۋ مٸندەتٸ تۇر, كەيبٸر شارۋاشىلىقتار قازٸردٸڭ ٶزٸندە جۇمىسىن باستادى, ال جاپپاي جيناۋ ناۋقانى - قىركٷيەك ايىندا, دەپ حابارلايدى "ۇلت اقپارات".
بۇل تۋرالى اۋىل شارۋاشىلىق باسقارماسى باسشىسىنىڭ م.ا. سىرىم بوشپانوۆ ونلاين رەجيمٸندە ٶتكەن اپپاراتتىق كەڭەستە حابارلادى.
«بيىل دەندٸ داقىلداردى جيناۋ الاڭى 935,9 مىڭ گا قۇرايدى, ونىڭ ٸشٸندە بيداي – 757 مىڭ گا, ارپا – 159,7 مىڭ گا, بۇدان باسقا, شارۋاشىلىقتار 25,2 مىڭ گەكتار القاپتا مايلى داقىلداردى, كارتوپ – 11,2 مىڭ گا, اس كٶك – 1619 گا جينايدى. بٷگٸنگٸ تاڭدا اباي, بۇقار جىراۋ, جاڭاارقا جەنە شەت اۋداندارىنىڭ جەكەلەگەن شارۋاشىلىقتارى ەگٸن جيناۋ جۇمىستارىنا كٸرٸستٸ. استىقتى جاپپاي جيناۋدى 1 قىركٷيەكتەن باستاۋ جوسپارلانىپ وتىر», - دەدٸ بايانداماشى.
ٶڭٸردە استىق ٶندٸرٸسٸ ٸشكٸ تۇتىنۋدى تولىعىمەن قامتاماسىز ەتٸپ, ەكسپورتتىق ەلەۋەتتٸ قالىپتاستىراتىنى اتاپ ٶتٸلدٸ.
الدىن الا بولجام بويىنشا, دەندٸ داقىلداردىڭ ورتاشا ٶنٸمدٸلٸگٸ گەكتارىنا 8–10 تسەنتنەردٸ قۇرايدى, كەم دەگەندە 290 مىڭ توننا كارتوپ پەن 55,6 مىڭ توننا كٶكٶنٸس جيناۋ جوسپارلانۋدا.
ەگٸستٸككە 1 989 استىق جينايتىن كومباين شىعادى, ونىڭ ٸشٸندە 70 جاڭا ماشينا وسى
جىلى ساتىپ الىندى. بۇدان باسقا, 3 مىڭنان استام تەحنيكا جۇمىلدىرىلادى.
اۋىل شارۋاشىلىعى تاۋارىن ٶندٸرۋشٸلەرگە 17 مىڭ توننا ارزانداتىلعان ديزەل وتىنى بٶلٸندٸ. اگرارلىق نەسيە كورپوراتسيياسى ارقىلى ەگٸن جيناۋ جۇمىستارىن جٷرگٸزۋگە جەڭٸلدەتٸلگەن نەسيە بەرٸلەدٸ.
كەڭەستە سونداي-اق مالعا جەم دايىنداۋ بارىسى تۋرالى باياندالدى. بٷگٸنگٸ تاڭدا 81,7% نەمەسە 2 ملن تونناعا جۋىق ٶنٸم جينالدى.
«ەگٸن جيناۋ ناۋقانى كٷندەلٸكتٸ مونيتورينگتە. جەم-شٶپ دايىنداۋدى ۋاقىتىندا اياقتاپ, ەگٸندٸ شىعىنسىز مەرزٸمٸندە جيناۋ قاجەت», – دەپ اتاپ ٶتتٸ وبلىس ەكٸمٸ جەڭٸس قاسىمبەك.
