قاراعاندى وبلىسىنىڭ ساران قالاسىندا كەيۋانا سٶمكەسٸن تارتىپ الماق بولعان قاراقشىنى سوققىنىڭ استىنا العان, دەپ حابارلايدى "ۇلت اقپارات".
30 مامىردا قاراعاندى وبلىسى ساران قالاسىنىڭ پوليتسييا بٶلٸمٸنە 80 جاستاعى ەيەل تٷرلٸ جاراقاتتارمەن مەديتسينالىق مەكەمەگە جاتقىزىلعانى تۋرالى حابارلاما تٷسكەن. پوليتسەيلەر انىقتاعانداي, زەينەتكەر دەنە جاراقاتىن قاراقشىعا قارسىلىق كٶرسەتۋ كەزٸندە العان.
ەجەيدٸڭ ايتۋىنشا, تاڭەرتەڭ ول شٸركەۋگە بەت الىپ, ەكٸ ٷيدٸڭ اراسىنان ٶتٸپ بارا جاتقاندا, وعان بەلگٸسٸز ادام شابۋىل جاساعان. كٷش قولدانا وتىرىپ, كەيۋانادان سٶمكەسٸن تارتىپ الماق بولعان. الايدا زەينەتكەر ەش قورىقپاستان قاراقشىعا تٶتەپ بەرگەن, ونى بٸرنەشە رەت ۇرىپ جٸبەرگەن. كەيٸن ٶزٸ قۇلاپ قالىپ, جاراقات العان. مۇنداي قاتتى تويتارىستى كٷتپەگەن قاراقشى قاشىپ كەتكەن.
«اتالعان فاكتٸ بويىنشا قر قك 191-بابى («توناۋ») بويىنشا قىلمىستىق ٸس قوزعالدى. 1 ماۋسىمدا جەدەل-ٸزدەستٸرۋ شارالارى بارىسىندا كريمينالدىق پوليتسييا قىزمەتكەرلەرٸ كٷدٸكتٸنٸ – 25 جاستاعى ەر ادامدى ۇستادى. ول كٸنەسٸن تولىق مويىندادى. تەرگەۋ جٷرٸپ جاتىر», - دەپ حابارلادى قاراعاندى وبلىسى پد باسپاسٶز قىزمەتٸنەن.
