قاراعاندى وبلىسى بويىنشا 201 اۋىلدىق وكرۋگ بولسا, سونىڭ 75-ٸندە ەكٸم سايلانادى, دەپ حابارلايدى "ۇلت اقپارات".
بۇل سايلاۋ ساياسي سالادا ٶز شەبەرلٸكتەرٸن كٶرسەتكٸسٸ كەلەتٸندەرگە مٷمكٸندٸك بەرەدٸ. وسىنداي بەلسەندٸ ازاماتتار قاتارىنان كانديداتتار ۇسىنۋ قۇقىعى ساياسي پارتييالارعا دا بەرٸلدٸ. «اۋىل» حالىقتىق-دەموكراتييالىق پاتريوتتىق پارتيياسىنىڭ ٶڭٸرلٸك فيليالى تاراپىنان 5 كانديدات ۇسىنىلدى.
ەكٸمدەر لاۋازىمىنا ٷمٸتكەرلەردٸڭ ورتاشا جاسى – 40 جاس. قازٸر ولار شارۋا قوجالىقتارىن, قوعامدىق جەنە سپورتتىق ۇيىمداردى باسقارادى. ولار كەزەكتەن تىس كونفەرەنتسييادا پارتييا ٶكٸلدەرٸ مەن دەلەگاتتار الدىندا تانىستىرىلىپ, ٶزدەرٸنٸڭ قىسقا باعدارلامالارىن جارييالادى. كونفەرەنتسييادا اۋىلدى دامىتۋدىڭ تيٸمدٸ تەتٸكتەرٸ تۋرالى مەسەلەلەر تالقىلاندى. فيليالدا جاعداي مۇقييات تالداۋدان ٶتٸپ, بەلگٸلٸ بٸر جەتٸستٸكتەرگە قول جەتكٸزۋ ەلەۋەتٸ بار اۋىلدىق وكرۋگتەردە عانا كانديداتتار ۇسىنعانىن ايتادى. جالپى ساياسي پلاتفورمادان باسقا ەربٸر ٷمٸتكەر ناقتى اۋىلدى دامىتۋدىڭ جەكە باعدارلامالارىن دايىندايدى.
«اۋىل ەكٸمدەرٸنە دەگەن سەنٸم زور. بٸز بۇل ازاماتتار سەنٸمٸمٸزدٸ اقتايدى دەپ ويلايمىز. اۋىلداستارىمىزعا, اۋىلداستارىمىزدىڭ ٶمٸرٸنە, جالپى اۋىل پروبلەمالارىنا قاتىستى ٶزەكتٸ مەسەلەلەر كٶتەرٸلەدٸ. بۇل جولداردى جٶندەۋ دە, اۋىز سۋمەن قامتاماسىز ەتۋ دە, ەرينە, اۋىل شارۋاشىلىعى تەحنيكاسىن جاڭعىرتۋ جەنە جالپى اۋىل شارۋاشىلىعى سالاسىن ەرتاراپتاندىرۋ, اۋىل شارۋاشىلىعى سالاسىنا زاماناۋي تەحنولوگييالاردى ەنگٸزۋ», - دەپ اتاپ ٶتتٸ «اۋىل» حالىقتىق-دەموكراتييالىق پاتريوتتىق پارتيياسى قوف تٶراعاسى سەرعازى ەدەكەنوۆ.
