Qaraǵandy oblysy boiynsha 201 aýyldyq okrýg bolsa, sonyń 75-inde ákim sailanady, dep habarlaidy "Ult aqparat".
Bul sailaý saiasi salada óz sheberlikterin kórsetkisi keletinderge múmkindik beredi. Osyndai belsendi azamattar qatarynan kandidattar usyný quqyǵy saiasi partiialarǵa da berildi. «Aýyl» halyqtyq-demokratiialyq patriottyq partiiasynyń óńirlik filialy tarapynan 5 kandidat usynyldy.
Ákimder laýazymyna úmitkerlerdiń ortasha jasy – 40 jas. Qazir olar sharýa qojalyqtaryn, qoǵamdyq jáne sporttyq uiymdardy basqarady. Olar kezekten tys konferentsiiada partiia ókilderi men delegattar aldynda tanystyrylyp, ózderiniń qysqa baǵdarlamalaryn jariialady. Konferentsiiada aýyldy damytýdyń tiimdi tetikteri týraly máseleler talqylandy. Filialda jaǵdai muqiiat taldaýdan ótip, belgili bir jetistikterge qol jetkizý áleýeti bar aýyldyq okrýgterde ǵana kandidattar usynǵanyn aitady. Jalpy saiasi platformadan basqa árbir úmitker naqty aýyldy damytýdyń jeke baǵdarlamalaryn daiyndaidy.
«Aýyl ákimderine degen senim zor. Biz bul azamattar senimimizdi aqtaidy dep oilaimyz. Aýyldastarymyzǵa, aýyldastarymyzdyń ómirine, jalpy aýyl problemalaryna qatysty ózekti máseleler kóteriledi. Bul joldardy jóndeý de, aýyz sýmen qamtamasyz etý de, árine, aýyl sharýashylyǵy tehnikasyn jańǵyrtý jáne jalpy aýyl sharýashylyǵy salasyn ártaraptandyrý, aýyl sharýashylyǵy salasyna zamanaýi tehnologiialardy engizý», - dep atap ótti «Aýyl» halyqtyq-demokratiialyq patriottyq partiiasy QOF tóraǵasy Serǵazy Ádekenov.
