سولتٷستٸك قازاقستان وبلىسىندا ماماندار قارابەك كٶلٸندە بالىقتىڭ نەدەن قىرىلعانىن ايتتى, دەپ حابارلايدى "ۇلت اقپارات".
سقو قىزىلجار اۋدانى بەسكٶل اۋىلىنداعى قارابەك كٶلٸندە بالىقتىڭ قىرىلۋىنا اۋا رايى سەبەپ بولعان.
«ماۋسىمنىڭ سوڭى مەن شٸلدە ايىنىڭ باسىندا بٸرنەشە كٷن ىستىق جەنە تىمىق اۋا رايى ساقتالدى. وسىعان بايلانىستى كٶل بەتٸندە ٷلدٸر پايدا بولعان. مۇنداي جۇقا قابىق وتتەگٸنٸ ٶتكٸزبەيدٸ. كٶل سۋىندا ورگانيكا جوعارى, ول شٸرۋ ارقىلى وتتەگٸنٸ جويادى. سالدارىنان بالىق وتتەگٸ جەتٸسپەۋشٸلٸگٸنەن قىرىلىپ قالعان», - دەيدٸ ەسٸل وبلىسارالىق باسسەيندٸك
بالىق شارۋاشىلىعى ينسپەكتسيياسىنىڭ بٶلٸم باسشىسى يلدار كەكٸموۆ.
ماماننىڭ ايتۋىنشا, قارابەك كٶلٸندە 560 كگ بالىق قىرىلعان.
ەستەرٸڭٸزگە سالايىق, 4 شٸلدە كٷنٸ ەلەۋمەتتٸك جەلٸدە قىزىلجار اۋدانى بەسكٶل اۋىلىنىڭ تۇرعىندارى جەرگٸلٸكتٸ كٶلدە بالىقتىڭ قىرىلىپ جاتقانىن جارييالاپ, جۇرتتىڭ نازارىن اۋدارعان ەدٸ.
