فوتو: Abai.kz
قازاقستان رەسپۋبليكاسىنىڭ ۇلتتىق كٸتاپحاناسىندا بەلگٸلٸ اقىن, حالىقارالىق “الاش” جەنە مۇقاعالي ماقاتاەۆ اتىنداعى سىيلىقتاردىڭ يەگەرٸ, مەدەنيەت قايراتكەرٸ ورازاقىن اسقاردىڭ 90 جىلدىعىنا وراي “مەن باقىتتى اقىنمىن” اتتى ەسكە الۋ جيىنى ۇيىمداستىرىلدى, دەپ حابارلايدى Ult.kz.
ٸس-شارانى قازاقستان جازۋشىلار وداعىنىڭ تٶراعا ورىنباسارى عالىم قاليبەكۇلى اشىپ, اقىننىڭ ٶمٸرٸ مەن شىعارماشىلىعى جايلى ەستەلٸكتەرٸمەن بٶلٸستٸ. ول اقىننىڭ جارى اجار باراتقىزىنا قۇرمەت رەتٸندە كامزول سىيلادى.
كەشكە بەلگٸلٸ جازۋشىلار مەن اقىندار, سونىڭ ٸشٸندە ەدٸلعازى قايىربەكوۆ, دٸلدار مامىرباەۆا, جٷسٸپبەك قورعاسبەك, اسلان جاقسىلىقوۆ, سونداي-اق مۇقاعالي ماقاتاەۆتىڭ ۇلى جۇلدىز ماقاتاەۆ, ەنشٸ نۇرجان جانپەيٸسوۆ, عىلىم دوكتورى ايبىن تٶرەحانوۆ, جاس جازۋشى ەلدوس توقتارباي, اقىننىڭ تۋىستارى مەن وتباسى مٷشەلەرٸ قاتىستى.
فوتو: جازۋشىلار وداعى
كەش بارىسىندا ورازاقىن اسقاردىڭ ٶلەڭدەرٸن الماتى قالاسىنىڭ مەكتەپ وقۋشىلارى وقىدى, ال كٶرەرمەندەر قاتارىندا ەسكەري قىزمەتكەرلەر دە بولدى. ەسكە الۋ كەشٸن اقىن ەرٸ جۋرناليست باقىت جاعىپپارۇلى جٷرگٸزدٸ.
ٸس-شارادا سۋىرىپ-سالما اقىن التىنبەك يبراگيموۆ ارناۋ ٶلەڭ شىعارىپ, قاتىسۋشىلاردىڭ ىقىلاسىنا بٶلەندٸ. ورازاقىن اسقاردىڭ مۇراسى بٷگٸنگٸ كٷندە دە وقىرماندارعا شابىت سىيلاپ, رۋحاني بايىتۋىن جالعاستىرۋدا.
