الماتى وبلىسىنىڭ قاپشاعاي قالاسىندا «Eneverse Kunkuat» جشس-نىڭ «Nurǵısa 100 مۆت Solar Park Qapshaǵaı» كٷن ەلەكتر ستانساسىنىڭ 100 مەگاۆاتتىق 1-شٸ كەزەگٸ ٸسكە قوسىلدى. جاڭا نىساننىڭ اشىلۋ سالتاناتىنا قر پرەمەر-مينيسترٸنٸڭ ورىنباسارى جەڭٸس قاسىمبەك پەن الماتى وبلىسىنىڭ ەكٸمٸ اماندىق باتالوۆ قاتىستى, دەپ حابارلايدى "ۇلت اقپارات".
الدىمەن جوبانىڭ ٸسكە اسىرىلۋ كەزەڭدەرٸ مەن الداعى جوسپارلارى تانىستىرىلدى. كومپانييا ٶكٸلدەرٸنٸڭ ايتۋىنشا, قۇنى 27,7 ملرد. تەڭگەلٸك جوبانى قارجىلاندىرۋعا «قازاقستاننىڭ دامۋ بانكٸ» اق-تىڭ قاراجاتى مەن «قدب-ليزينگ» اق-نىڭ قارجىلىق ليزينگٸ تارتىلدى. ال 10,4 ملرد. تەڭگەسٸ - مەنشٸكتٸ كاپيتال, ياعني نىسانعا سالىنعان ينۆەستيتسييا. ٶز كەزەگٸندە كەسٸپورىننىڭ ٸسكە قوسىلۋىنا جەرگٸلٸكتٸ اتقارۋشى بيلٸك قولداۋ بٸلدٸرٸپ, «بيزنەستٸڭ جول كارتاسى - 2020» باعدارلاماسى ارقىلى جوعارى ۆولتتى جەلٸلەردٸڭ قۇرىلىسىن وبلىستىق بيۋدجەتتەن 233 ملن. تەڭگەگە قارجىلاندىرعان.
سالتاناتتى جيىندا كٶپشٸلٸكتٸ ماڭىزدى نىساننىڭ اشىلۋىمەن ٷكٸمەت باسشىسىنىڭ ورىنباسارى جەڭٸس قاسىمبەك قۇتتىقتادى:
- الماتى وبلىسىندا ەلەكتر ەنەرگيياسىنىڭ تاپشىلىعى بار. سوندىقتان بٷگٸن ٸسكە اسىرىلىپ وتىرعان ٸرٸ جوبانىڭ ماڭىزى زور دەپ ەسەپتەيمٸن. بۇل جوبا اينالاسى بٸر جىلدىڭ ٸشٸندە ٸسكە قوسىلدى. جالپى ەلٸمٸزدە «ەكسپو – 2017» كٶرمەسٸ التەرناتيۆتٸ ەنەرگەتيكا جوبالارىنىڭ قارقىندى جٷزەگە اسىرىلۋىنا زور سەرپٸن بەردٸ. بٷگٸنگٸ كٷنٸ رەسپۋبليكادا 70-تەن استام ەلەكتر ٶندٸرەتٸن نىسان بار. سونىڭ 20-دان استامى الماتى وبلىسىندا. بۇل جاعىنان وبلىس كٶشباسشى سانالادى. قازٸرگٸ كەزدە قازاقستاندا 800 مۆت ەلەكتر قۋاتى جاڭارتىلعان ەنەرگييا كٶزدەرٸنەن الىنىپ وتىر. سونداي تاعى 5 نىسان اشۋ جوسپارلانعان. بٸزدٸڭ بيزنەسمەندەر كٷن ەلەكتر ستانساسىن ٸسكە قوسۋعا بار كٷش-جٸگەرٸن سالدى. ٷكٸمەت تاراپىنان دا قاجەتتٸ قولداۋ شارالارى كٶرسەتٸلدٸ. وسىنداي جوبالاردىڭ ارقاسىندا ەلٸمٸزدە ٶندٸرٸلەتٸن ەلەكتر ەنەرگيياسىنداعى جەك ٷلەسٸ 3 %, 2030 جىلعا قاراي 10 % جەتكٸزٸلەدٸ. وسى جوباعا اتسالىسقان ازاماتتاردىڭ بەرٸنە العىس ايتامىن, - دەدٸ ج.قاسىمبەك.
وبلىس ەكٸمٸ اماندىق باتالوۆ بيلٸك پەن بيزنەستٸڭ ٶزارا ىنتىماقتاسا جۇمىس ٸستەۋٸ زور نەتيجەلەر بەرٸپ وتىرعانىن, بٷگٸنگٸ نىساننىڭ اشىلۋى سونىڭ بٸر ايعاعى ەكەنٸن ايتتى.
- الماتى وبلىسى ەكونوميكانىڭ بارلىق باعىتىندا جاقسى دامىپ كەلەدٸ, يندۋستريالدى ايماقتار قۇرىلىپ, جاڭا نىساندار اشىلۋدا. جاڭادان ٸسكە قوسىلعان ٸرٸ كەسٸپورىنداردىڭ بارلىعى قولجەتٸمدٸ ەلەكتر قۋاتىن قاجەت ەتەدٸ. بٷگٸنگٸ اشىلىپ وتىرعان كٷن ەلەكتر ستانساسى وبلىستى ەلەكتر قۋاتىمەن قامتاماسىز ەتۋگە ٷلەس قوساتىن ماڭىزدى نىسان بولماق. بۇل – سولتٷستٸك-وڭتٷستٸك ەلەكتر تاراتۋ جەلٸسٸنٸڭ بويىندا تۇرعان ٸرٸ نىسان. سونىمەن بٸرگە جوبانىڭ جٷزەگە اسىرىلۋى جاڭا جۇمىس ورىندارىنىڭ اشىلۋىنا, بيۋدجەتكە سالىق تٷسٸمٸنٸڭ جەنە ٶڭٸرگە تارتىلعان ينۆەستيتسييا كٶلەمٸنٸڭ ارتۋىنا سەپتٸگٸن تيگٸزەدٸ. ونىڭ نەتيجەسٸ وبلىس ەكونوميكاسىنا وڭ ىقپال ەتٸپ, يگٸلٸگٸن حالىق كٶرەدٸ. وسى ٸستەگٸ سەرٸكتەستەرٸمٸزگە ريزاشىلىعىمدى بٸلدٸرەمٸن. بيلٸك پەن بيزنەستٸڭ بٸرٸگٸپ جۇمىس ٸستەۋٸ ٶز جەمٸسٸن بەرٸپ وتىر, - دەدٸ ا. باتالوۆ.
«ENEVERSE KUNKUAT» كومپانيياسىنىڭ قۇرىلتايشىلارى بولات ابيلوۆ پەن وراز جاندوسوۆ كٶرسەتٸلگەن مەملەكەتتٸك قامقورلىققا ريزاشىلىعىن ايتىپ, قارجىلاي قولداۋ كٶرسەتكەن, ستانسا قۇرىلىسىن جٷرگٸزگەن كومپانييالارعا, قۇرىلىسشى-جۇمىسشىلارعا العىستارىن جەتكٸزدٸ.
رەسمي قوناقتار كٷن ەلەكتر ستانساسىنىڭ سيمۆوليكالىق تەتٸگٸن باسىپ, ٸسكە قوستى.
سول سيياقتى وسى شارادا كومپانييا ٶكٸلدەرٸ قاپشاعاي قالاسىنىڭ ەلەۋمەتتٸك نىساندارىن دامىتۋعا 250 ملن. تەڭگەنٸڭ سەرتيفيكاتىن سىيعا تارتتى. بۇل رەتتە كەلەسٸ جىلى قاپشاعاي قالاسىنىڭ 50 جىلدىعى ٶتەتٸنٸن اتاپ ٶتۋ كەرەك.
ەسكە سالساق, كٷن ەلەكتر ستانساسىنىڭ «Nurǵısa 100 مۆت Solar Park Qapshaǵaı» دەگەن اتاۋى بەلگٸلٸ كومپوزيتور نۇرعيسا تٸلەنديەۆتٸڭ قۇرمەتٸنە قويىلعان. جوبا جىل سايىن 160 ملن. كۆت/ساع ەلەكتر ەنەرگيياسىن ٶندٸرەدٸ. كەس اتموسفەراعا سو2 شىعارىندىلارىن جىلىنا 150 مىڭ تونناعا ازايتادى.
كەس-تٸڭ اۋماعى 400 گەكتاردى الىپ جاتسا, جوبانىڭ 1-شٸ كەزەڭٸ 274 گەكتاردا ورنالاسقان. ستانسادا جالپى سانى 303 مىڭ پانەل ورناتىلادى. نىساننىڭ 1-شٸ كەزەگٸنٸڭ قۋاتى 100 مۆت بولسا, تولىق قۋاتىنا شىققاندا 150 مۆت ەلەكتر قۋاتىن ٶندٸرەتٸن بولادى.
كەس-تٸ سالۋعا 11 وتاندىق مەردٸگەر كومپانييا قاتىسقان. ولاردىڭ اراسىندا «امانات», «اسپمك-519», «نازار ەنەردجي», «تەنگيزستروي» جەنە باسقا دا كومپانييالار بار. ستانتسييا قۇرىلىسىن جٷرگٸزۋدە جەرگٸلٸكتٸ تۇرعىنداردان 500-دەن استام ادام جۇمىس ٸستەدٸ. نىسان ٸسكە قوسىلعاندا 35 ادامدى جۇمىسپەن قامتيدى.
