ktk.kz
الماتى وبلىسىندا قاپشاعايعا باتىپ كەتكەن ەر ادامنىڭ دەنەسٸ بەس كٷننەن سوڭ تابىلدى. مارقۇمنىڭ مەيٸتٸ سۋ بەتٸنە قالقىپ شىققان. قۇتقارۋشىلار ونى تٸكۇشاقتىڭ كٶمەگٸمەن جاعادان بەس-التى شاقىرىم قاشىقتان تاۋىپتى, - دەپ حابارلايدى "كتك" تەلەارناسى.
ەكٸ ەر ادام جازدىڭ سوڭعى كٷنٸندە قاپشاعايعا دەمالۋعا بارىپ, ولار وتىرعان قايىق سۋ ورتاسىندا اۋدارىلىپ كەتكەن. بٸرٸ ٶز كٷشٸمەن جاعاعا شىقسا, ەكٸنشٸسٸ سول كٷيٸ تابىلماعان. 112-گە حابار تٷسكەن سوڭ تٶتەنشە جاعداي قىزمەتكەرلەرٸ وقيعا ورنىنا دەرەۋ جەتكەن.
سۋ قويماسىندا تەۋلٸك بويى جٷرگٸزٸلگەن ٸزدەۋگە تٸكۇشاقتان بٶلەك, تٶرت جٷزۋ قۇرالى, درون, گيدرواكۋستيكا قۇرىلعى مەن 17 قۇتقارۋشى جۇمىلدىرىلعان.
ەسكە سالايىق, بۇعان دەيٸن قاپشاعايدا قايىق اۋدارىلىپ, بٸر ادام جوعالىپ كەتكەنٸ حابارلاندى.
