فوتو: primeminister.kz
قازاقستان پرەمەر-مينيسترٸنٸڭ ورىنباسارى ەرمەك كٶشەرباەۆ ٸشكٸ تۋريزمنٸڭ دامۋىن باعالاۋ ماقساتىندا ايماقتاردى ارالاۋعا كٸرٸستٸ. العاشقى نىسان رەتٸندە قوناەۆ قالاسىنداعى قاپشاعاي سۋ قويماسىنىڭ جاعالاۋى تاڭدالدى, دەپ حابارلايدى Ult.kz.
قاپشاعاي – ەلدەگٸ ەڭ كٶپ باراتىن دەمالىس ايماقتارىنىڭ بٸرٸ. 2025 جىلدىڭ العاشقى جارتىجىلدىعىندا مۇندا 860 مىڭنان استام تۋريست كەلگەن. ٶڭٸردە 140 تۋريستٸك نىسان, سونىڭ ٸشٸندە 8 كوممۋنالدىق جاعاجاي جۇمىس ٸستەيدٸ.
ساپار بارىسىندا ۆيتسە-پرەمەر قوناق ٷيلەر, جاعاجاي مەن جول ينفراقۇرىلىمى, سانيتارلىق جاعداي جەنە قوعامدىق قاۋٸپسٸزدٸككە جاۋاپتى قىزمەتتەردٸڭ دايىندىعىمەن تانىستى. ول ەكٸمدٸككە سولتٷستٸك جاعاجايعا اپاراتىن جولدى بيىلعى كٷزگە دەيٸن اياقتاۋدى تاپسىردى.
ينفراقۇرىلىم – باستى مەسەلە
كەزدەسۋ كەزٸندە جەرگٸلٸكتٸ كەسٸپكەرلەر ەلەكتر قۋاتى مەن كەرٸز جٷيەسٸنٸڭ جەتٸسپەۋشٸلٸگٸن, ينجەنەرلٸك جەلٸلەردٸڭ ارتىق جٷكتەمەمەن جۇمىس ٸستەپ تۇرعانىن ايتتى. قازٸردٸڭ ٶزٸندە 280 قوعامدىق دەرەتحانا بار, الايدا ولاردىڭ سانيتارلىق جاعدايى مەن قىزمەت كٶرسەتۋ ساپاسى قاتاڭ باقىلاۋدى قاجەت ەتەدٸ.
قاۋٸپسٸزدٸك پەن تەرتٸپ – باستى نازاردا
ۆيتسە-پرەمەر تٶتەنشە جاعدايلار مينيسترلٸگٸنە قۇتقارۋ كابينالارىن زاماناۋي تالاپتارعا سەيكەستەندٸرۋدٸ جەنە تٷسٸندٸرۋ جۇمىستارىن كٷشەيتۋدٸ تاپسىردى. سونىمەن قاتار, 15 مىڭ ادامعا دەيٸن جينالاتىن ٸس-شارالارعا دايىندىق مەسەلەلەرٸ تالقىلاندى.
جاعاجايلار ايماقتارعا بٶلٸنەدٸ
اۋىل شارۋاشىلىعى مينيسترلٸگٸ جاعالاۋدى فۋنكتسيونالدىق ايماقتارعا – رەكرەاتسييالىق, تابيعاتتى قورعاۋ جەنە ينفراقۇرىلىمدىق ۋچاسكەلەرگە بٶلۋگە باعىتتالعان پيلوتتىق جوبا ۇسىندى. بۇل شەشٸم دەمالۋشىلار مەن ينۆەستورلار ٷشٸن جاعدايدى جاقسارتۋعا, ەكولوگييالىق تەپە-تەڭدٸكتٸ ساقتاۋعا مٷمكٸندٸك بەرەدٸ.
باعا مەن ەكولوگييا – ٶزەكتٸ تاقىرىپ
كەيبٸر نىساندارداعى جوعارى باعا مەسەلەسٸ دە كٶتەرٸلدٸ. كوممۋنالدىق جاعاجايلارداعى قىزمەت قۇنىنا ارنايى تالداۋ جٷرگٸزٸلمەك. سونىمەن قاتار, الاكٶلدەگٸ سۋ دەڭگەيٸنٸڭ ٶزگەرۋٸ جاعالاۋ ينفراقۇرىلىمىنا ەسەر ەتٸپ وتىرعانى اتاپ ٶتٸلدٸ.
“تۋريزم – ەلدٸڭ بەت-بەينەسٸ”
«كوممۋنالدىق جاعاجايلاردا تازالىق پەن تەرتٸپ – باستى تالاپ. كٶلەڭكەلٸ بيزنەستٸڭ بولماۋى, تٶلەم تەرمينالدارىنىڭ جەنە سالىقتىق تٸركەۋدٸڭ بولۋى – مٸندەت. ادامداردى بالا كەزٸنەن زاڭ مەن تەرتٸپكە باۋلۋىمىز كەرەك. جٷيەلٸ جۇمىس قانا تۋريزم سالاسىنىڭ دامۋىنا جول اشادى», — دەدٸ ەرمەك كٶشەرباەۆ.
جۇمىس ساپارى جالعاسۋدا
ساپار قورىتىندىسى بويىنشا ٶڭٸر ەكٸمدەرٸ مەن مينيسترلٸكتەر ٶكٸلدەرٸنٸڭ قاتىسۋىمەن كەڭەيتٸلگەن جيىن ٶتەدٸ. وندا انىقتالعان كەمشٸلٸكتەر تالدانىپ, شەشۋ جولدارى ۇسىنىلادى.
