2022 جىلدىڭ 5 قاڭتارىنان باستاپ ASHYQ قوسىمشاسىمەن «جاسىل» مەرتەبەسٸ بار ادامداردىڭ عانا كٸرۋٸنە رۇقسات بەرٸلەتٸن نىساندار تٸزٸمٸ كەڭەيەدٸ. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸنٸڭ مٸندەتٸن اتقارۋشى جاندوس بٷركٸتباەۆ ايتتى, دەپ حابارلايدى قازاقپارات.
«ساۋدا ويىن-ساۋىق ورتالىقتارىنا, ساۋدا ٷيلەرٸنە, سپورت ورتالىقتارى مەن فيتنەس-ورتالىقتارعا, يوگا ورتالىقتارىنا, كاراوكە, باسسەين, ساۋنالارعا, مونشالارعا, «قازپوشتا» بٶلٸمشەلەرٸنە, حالىققا قىزمەت كٶرسەتۋ ورتالىقتارىنا ASHYQ قوسىمشاسىمەن «جاسىل» ستاتۋسى بار ادامداردىڭ كٸرۋٸنە رۇقسات بەرۋ جٶنٸندە قوسىمشا الدىن الۋ ٸس-شارالارىن ەنگٸزۋدٸ ۇسىنامىز», - دەدٸ ول.
وسى رەتتە مينيستر مٸندەتٸن اتقارۋشى اتالعان نورمانى 2022 جىلدىڭ 5 قاڭتارىنان باستاپ ەنگٸزۋدٸ ۇسىناتىنىن اتاپ ٶتتٸ.
«حالىقتىڭ ۆاكتسينا سالۋى, جاپپاي رەۆاكتسيناتسييا جاساۋدى ارتتىرۋ, سونداي-اق ۇسىنىلاتىن ەپيدەميياعا قارسى ٸس-شارالار - ەلدەگٸ كوروناۆيرۋسقا قاتىستى جاعدايدىڭ ناشارلاۋىنا جول بەرمەيدٸ», - دەدٸ جاندوس بٷركٸتباەۆ.
