قاڭتار وقيعاسى كەزٸندە ۇرلانعان قارۋ جاسىرىلعان 120 ورىن تابىلدى. بۇل تۋرالى قر ٸٸم تەرگەۋ دەپارتامەنتٸنٸڭ باستىعى سانجار ەدٸلوۆ ايتتى, دەپ حابارلايدى قازاقپارات.
«ازاماتتاردىڭ قاۋٸپسٸزدٸگٸن قامتاماسىز ەتۋ - ٸشكٸ ٸستەر ورگاندارىنىڭ نەگٸزگٸ مٸندەتتەرٸنٸڭ بٸرٸ, وسىعان بايلانىستى بۇرىن جاپپاي تەرتٸپسٸزدٸك بارىسىندا ۇرلانعان قارۋدى ٸزدەۋ مەن الىپ قويۋ بويىنشا ماقساتتى جەدەل-ٸزدەستٸرۋ ٸس-شارالارى جالعاسۋدا. بٷگٸنگٸ تاڭدا 1640 قارۋ مەن 41 مىڭنان استام وق-دەرٸ انىقتالىپ, زاڭسىز اينالىمنان الىندى. ونىڭ ٸشٸندە 10 گراناتا اتقىش; 6 وق اتقىش; 164 اۆتومات; 362 تاپانشا; 235 جاراقاتتايتىن جەنە گازدى قارۋ; 78 سۋىق قارۋ بار. تەك ٶتكەن 2 اپتا ٸشٸندە 50-دەن استام قارۋ-جاراق الىندى. قارۋدى جاسىرىن ساقتاۋدىڭ 120 ورنى جويىلدى», - دەدٸ سانجار ەدٸلوۆ ورتالىق كوممۋنيكاتسييالار قىزمەتٸندەگٸ بريفينگ بارىسىندا.
مىسالى, ونىڭ ايتۋىنشا, 17 ماۋسىمدا الماتى قالاسىندا الاڭقايدا 7 گراناتا, وقجاتارى تولىق «يج» جاراقاتتايتىن تاپانشاسى مەن وق-دەرٸ جاسىرىلعان قارۋدى زاڭسىز ساقتايتىن جەر تابىلعان.
21 ماۋسىمدا تالعار قالاسىندا 130-دان استام وق-دەرٸ مەن «كالاشنيكوۆ» اۆتوماتى الىندى. 22 ماۋسىمدا تاعى دا الماتى قالاسىندا «كالاشنيكوۆ» اۆتوماتى, 2 اڭشىلىق مىلتىق, تٷتٸكشەلەرٸ بار «ف-1» گراناتاسى, 40 وق, 2 بروندى كەۋدەشە, 2 راديوستانتسييا الىندى.
25 ماۋسىمدا تاراز قالاسىندا تۇرعىن ماسسيۆٸنە جاقىن جەردە سەيكەستەندٸرۋ نٶمٸرلەرٸ جويىلعان, «ماكاروۆ» جٷيەسٸنٸڭ بەسەڭدەتكٸشتٸ تاپانشاسى, سيگنالدى رەۆولۆەر مەن پنەۆماتيكالىق تاپانشا, جارىق-دىبىس گراناتاسى مەن ەرتٷرلٸ كاليبرلٸ 60 وق قولعا تٷستٸ.
26 ماۋسىمدا تاراز قالاسىندا «بايكال» مىلتىعى, «ستريمەر» تاپانشاسى مەن ەرتٷرلٸ كاليبرلٸ 32 وق تابىلىپ الىندى.
«جٷرگٸزٸلەتٸن تٷسٸندٸرۋ جۇمىسىنىڭ نەتيجەسٸندە ازاماتتار 212 قارۋدى ٶز ەركٸمەن تاپسىردى», - دەدٸ ول.
