قازاقستان رەسپۋبليكاسى پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ ۆەناعا جۇمىس ساپارى بارىسىندا ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ (ەقىۇ) تۇراقتى كەڭەسٸنٸڭ وتىرىسىندا قازاقستاندا قاڭتار ايىندا بولعان وقيعالار تۋرالى بريفينگ ٶتكٸزدٸ, دەپ حابارلايدى قازاقپارات.
م.تٸلەۋبەردٸ ەقىۇ-عا قاتىسۋشى ەلدەردٸڭ ٶكٸلدەرٸن بولعان وقيعانىڭ سەبەپتەرٸ, تەرروريزمگە قارسى وپەراتسييانىڭ نەتيجەلەرٸ, ۇقشۇ بٸتٸمگەرشٸلٸك ميسسيياسى تۋرالى حاباردار ەتتٸ. قازٸرگٸ ۋاقىتتا ەلدەگٸ جاعداي تولىعىمەن تۇراقتانعانىن جەنە قازاقستان ٶزٸنٸڭ كٶپۆەكتورلى ساياساتىن جالعاستىرىپ, بارلىق حالىقارالىق مٸندەتتەمەلەرٸن ۇستاناتىنىن ەرەكشە اتاپ ٶتتٸ.
مينيستر سونداي-اق, قر پرەزيدەنتٸ قاسىم-جومارت توقاەۆتىڭ جاڭادان قۇرىلعان قر ٷكٸمەتٸنٸڭ الدىنا قويعان ەلدەگٸ ەلەۋمەتتٸك-ەكونوميكالىق جاعدايدى جاقسارتۋ جٶنٸندەگٸ مٸندەتتەرٸ, سونداي-اق «حالىق ٷنٸنە قۇلاق اساتىن مەملەكەت» تۇجىرىمداماسى اياسىندا جٷرگٸزٸلٸپ جاتقان ساياسي رەفورمالاردىڭ جاڭا پاكەتٸ تۋرالى حاباردار ەتتٸ.
ساپار اياسىندا م.تٸلەۋبەردٸ ەقىۇ باسشىلىعىمەن - باس حاتشى حەلگا شميد, دەموكراتييالىق ينستيتۋتتار جەنە ادام قۇقىقتارى جٶنٸندەگٸ بيۋرونىڭ ديرەكتورى ماتتەو مەكاچچي, ەقىۇ باق بوستاندىعى جٶنٸندەگٸ ٶكٸلٸ تەرەزا ريبەيرو, سونداي-اق ەقىۇ پارلامەنتتٸك اسسامبلەياسىنىڭ تٶراعاسى مارگارەتا سەدەرفەلتپەن ەكٸجاقتى كەزدەسۋلەر ٶتكٸزدٸ. تاراپتار بۇعان دەيٸن قول جەتكٸزٸلگەن ۋاعدالاستىقتاردى ٸسكە اسىرۋ بارىسىن تالقىلاپ, مەملەكەت باسشىسىنىڭ جاڭا رەفورمالارى اياسىندا ودان ەرٸ ىنتىماقتاستىقتىڭ پەرسپەكتيۆالارىن بەلگٸلەدٸ.
قر سٸم باسشىسى اۋسترييانىڭ ەۋروپالىق جەنە حالىقارالىق ٸستەر جٶنٸندەگٸ فەدەرالدىق مينيسترٸ الەكساندر شاللەنبەرگپەن ەكٸجاقتى كەزدەسۋ ٶتكٸزدٸ. ولار ٶزارا ىنتىماقتاستىقتى نىعايتۋ بويىنشا الداعى قادامداردى تالقىلادى. قازاقستان مەن اۋسترييا اراسىنداعى ديپلوماتييالىق قارىم-قاتىناستاردىڭ ورناعانىنا 30 جىل تولۋىن ەسكەرە وتىرىپ, بيىلعى جىلى ٶتەتٸن ٸس-شارالارعا ەرەكشە نازار اۋدارىلدى. تاراپتار ەكٸجاقتى شارت-قۇقىقتىق بازانى كەڭەيتۋ تۋرالى ۋاعدالاستى. كەلٸسسٶزدەر قورىتىندىسى بويىنشا مينيسترلەر اۋسترييالىق جەنە شەتەلدٸك باق ٷشٸن بٸرلەسكەن باسپاسٶز كونفەرەنتسيياسىن ٶتكٸزدٸ. وعان قوسا, م. تٸلەۋبەردٸ اۋسترييالىق جەنە ەۋروپالىق جۋرناليستەر ٷشٸن جەكە بريفينگ ٶتكٸزدٸ.
