سىبايلاس جەمقورلىققا قارسى ٸس-قيمىل اگەنتتٸگٸ قاڭتار وقيعاسى بويىنشا ازاپتاۋعا قاتىستى 360 قىلمىستىق ٸستٸ قاراعان. انتيكور باسشىسى ولجاس بەكتەنوۆ ۆەدومستۆونىڭ القا وتىرىسىندا وسىنداي مەلٸمەت كەلتٸردٸ, دەپ حابارلايدى قازاقپارات.
«سىبايلاس جەمقورلىققا قارسى قىزمەتتٸڭ بيىلعى التى ايداعى جۇمىسىنا ەلٸمٸزدە بولىپ جاتقان وقيعالار ەسەر ەتكەنٸ بەرٸمٸزگە مەلٸم. تەك قاڭتار وقيعاسى بويىنشا قۇقىق قورعاۋ ورگاندارى قىزمەتكەرلەرٸنٸڭ تاراپىنان ازاپتاۋ مەن ٶكٸلەتتٸگٸن اسىرا پايدالانۋ فاكتٸلەرٸ بويىنشا اگەنتتٸك تەرگەۋشٸلەرٸنٸڭ ٶندٸرٸسٸندە 360 قىلمىستىق ٸس بولدى», - دەدٸ ول.
اگەنتتٸك تٶراعاسىنىڭ سٶزٸنە قاراعاندا, قازٸر قۇقىق قورعاۋ ورگاندارى تاراپىنان ازاپتاۋ فاكتٸلەرٸ بويىنشا 170 ٸس تەرگەۋدە جاتىر.
«بۇل ساناتتاعى ٸستەردٸڭ سانى ٶتكەن جىلدارمەن سالىستىرعاندا ەكٸ ەسە ارتىق. قازٸرگٸ تاڭدا 170 ٸس بويىنشا تەرگەۋ جالعاسىپ جاتىر. 167-سٸ اياقتالدى. 23 قىلمىستىق ٸس ەرٸ قاراي تەرگەۋ ٷشٸن پروكۋراتۋراعا جولداندى»,- دەدٸ ولجاس بەكتەنوۆ.
