قاڭتار وقيعاسى كەزٸندە زارداپ شەككەن بٸر توپ كەسٸپكەر كەلتٸرٸلگەن شىعىندى دەلەلدەي الماي جٷر. وسىعان بايلانىستى بٷگٸن ولار «اقيقات» قوعامدىق كوميسسيياسىنا جٷگٸندٸ, دەپ حابارلايدى قازاقپارات.
«اقيقات» قوعامدىق كوميسسيياسىنىڭ كەڭسەسٸنە 20-عا جۋىق كەسٸپكەر كەلدٸ. ولار جاپپاي تەرتٸپسٸزدٸك كەزٸندە كەسٸپتەرٸنە كەلتٸرٸلگەن شىعىندى دەلەلدەي الماي جٷر. قولدارىندا بار قۇجاتتارى جارامسىز دەپ تانىلعان.
سولاردىڭ بٸرٸ — جەكە كەسٸپكەر قارلىعاش كەرتايقىزى. ول قالاداعى ساۋدا ٷيلەرٸنٸڭ بٸرٸندە ەرلەرگە ارنالعان كيٸم ساتقان. قاڭتار وقيعاسى كەزٸندە تاۋارلارى ٶرتەنٸپ, تونالعان.
«ماعان كەلتٸرگەن شىعىن 35 ملن تەڭگە. مەنٸڭ قولىمدا تاۋار پاراعى (توۆارنايا ناكلادنايا) بار. الايدا, بۇل قۇجاتپەن ەشتەڭەنٸ دەلەلدەي الماي جٷرمٸن. سوت-مەديتسينالىق ساراپتاما بٸزگە تاعايىندالمايدى, ٶيتكەنٸ, بٸزدە مٶر دە, شوت-فاكتۋرادا جوق. بۋحگالتەرلٸك ەسەپ تە جٷرگٸزٸلگەن ەمەس. باستى مەسەلەمٸز وسىندا بولىپ تۇر. بٸز جك (جەكە كەسٸپكەر) بولعاندىقتان زاڭ بويىنشا بٸزدەن مۇنداي قۇجات تالاپ ەتٸلمەيتٸن. بٸزدٸڭ بٸر عانا ۇسىنىسىمىز بار: كەسٸپكەرلەردٸڭ شىعىنىن ٶتەۋدٸڭ ەرەجەسٸ جەڭٸلدەتٸلسە ەكەن», - دەيدٸ جەكە كەسٸپكەر قارلىعاش كەرتايقىزى.
كەسٸپكەرلەردٸڭ سٶزٸنشە, پوليتسييادا ارىزدارى قابىلدانىپ, قىلمىستىق ٸس قوزعالعان.
«تونالعان بۋتيكتەرٸمٸزگە قاتىستى قىلمىستىق ٸس قوزعالدى. الايدا, بۇل مەسەلەنٸ تٷبەگەيلٸ شەشپەيدٸ. مىسالى, ماعان كەلتٸرٸلگەن شىعىن كٶلەمٸ 50 ملن تەڭگە. تاۋاردى مەن ٶزٸم تٷركييادان تاسىمالدايمىن. سوندىقتان ٷكٸمەت شىعىنىمىزدى تولىق ٶتەپ بەرسە دەگەن ٶتٸنٸش بار. سونداي-اق, شىعىندى ٶتەۋ ەرەجەسٸنە تيٸستٸ ٶزگەرٸستەر مەن تولىقتىرۋلار ەنگٸزٸلٸپ, بٸراز جەڭٸلدەتٸلسە», - دەيدٸ كەسٸپكەر عالييا كۋرگۋلينا.
«اقيقات» قوعامدىق كوميسسيياسىنىڭ جەتەكشٸسٸ ايمان وماروۆا كەسٸپكەرلەرگە كٶمەكتەسەتٸنٸن اتاپ ٶتتٸ.
«قوعامدىق كوميسسيياعا جٷگٸنگەن كەسٸپكەرلەر, قازٸر ارىزدارىن جازىپ, قولدارىندا بار قۇجاتتارىن ۇسىنىپ جاتىر. بٸز ولارعا بارىنشا كٶمەكتەسۋگە تىرىسامىز. مەملەكەتتەن كٶمەك سۇرايمىز. بەرٸ زاڭ اياسىندا شەشٸلەدٸ دەپ ٷمٸتتەنەمٸن», - دەيدٸ ايمان وماروۆا.
