almaty.tv تەلەارناسى
الماتىعا جۇمىسقا كەلگەن ٶزبەكستان ازاماتى قاڭتار وقيعالارىنان كەيٸن حابار-وشارسىز كەتكەن. تۋىستارى ونىڭ تەرتٸپسٸزدٸكتەرگە قاتىسپاعانىنا سەنٸمدٸ, - دەپ حابارلايدى Tengrinews.kz اگەنتتٸگٸ Almaty.tv ارناسىنا سٸلتەمە جاساپ.
تەلەارنا مەلٸمەتٸنشە, 4 اي بويى قاراقالپاقستان (ٶزبەكستان قۇرامىنداعى اۆتونومييالىق رەسپۋبليكا) تۇرعىندارى حابار-وشارسىز كەتكەن تۋىسى ازات جۇمانييازوۆتى ٸزدەستٸرٸپ جاتىر. ولاردىڭ ايتۋىنشا, ازات قازاقستانعا جۇمىسقا كەتكەن, بٸراق قاڭتار وقيعالارىنان كەيٸن تۋىستارى ونىمەن بايلانىسا الماعان. سوڭعى رەت 44 جاستاعى ەر ادامدى الماتىداعى "التىن وردا" بازارىنىڭ ماڭىندا كٶرگەن.
"ٷيدەن شىعىپ, قايتا ورالمادى", - دەيدٸ ٸنٸسٸ نۇرلان ٶتەنييازوۆ.
ونىڭ ايتۋىنشا, تۋىسى الماتىداعى قۇرىلىستا جۇمىس ٸستەگەن. قاڭتار وقيعالارىنان كەيٸن بايلانىس ٷزٸلگەن. سودان بەرٸ وتباسى ونى ٸزدەپ جاتىر.
"ازاتتىڭ جارى كٷن سايىن جىلايدى. قوڭىراۋ شالىپ, ٸزدەۋ نەتيجەلەرٸن سۇرايدى. ونىڭ 5 جاسار قىزى دا ٷنەمٸ "ەكەم قايدا?" دەيدٸ. مەنٸڭ ويىمشا, ول الاڭعا شىقپادى. سەبەبٸ 5 قاڭتاردا ونىڭ تەلەفونى دولان اۋىلىنىڭ ماڭىندا ٶشٸپ قالعان. ال ميتينگ الماتىدا ٶتتٸ. ول بارا الار ما ەدٸ? مەنٸڭشە, جوق", - دەدٸ اعاسى.
ازاتتىڭ تۋىستارى ول امان دەپ ٷمٸتتەنەدٸ. ٶيتكەنٸ ەر ادامنىڭ دەنەسٸ بٸردە-بٸر مەيٸتحانادان تابىلماعان. ٸزدەۋگە ەرٸكتٸلەر تارتىلعان. بٸراق ٸزدەۋ سەتسٸز اياقتالعان. كەيٸن جوعالعان ادامنىڭ تۋىستارى پوليتسيياعا جٷگٸنگەن.
"بۇل دەرەك الاتاۋ اۋداندىق پوليتسييا باسقارماسىندا تٸركەلدٸ. ٸزدەستٸرۋ باستالدى, ارنايى تەرگەۋ-جەدەل توبى قۇرىلدى. ول حابار-وشارسىز كەتكەن ادامدى ٸزدەستٸرۋگە جەنە ونىڭ ورنالاسقان جەرٸن انىقتاۋعا باعىتتالعان", - دەدٸ پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك.
قازٸر ازات جۇمانييازوۆتىڭ وتباسى بەرٸنەن ونى ٸزدەۋگە كٶمەك كٶرسەتۋٸن سۇرايدى. 102 نٶمٸرٸنە قوڭىراۋ شالۋعا بولادى.
