قاڭتار ايىندا ٶتەتٸن ۇبت باستالدى

فوتو:ken-zhyloi.kz

بٷگٸن قاڭتار ايىندا ٶتەتٸن ۇبت باستالدى, ول 10 اقپانعا دەيٸن جالعاسادى. بۇل تۋرالى Ult.kz قر عىلىم جەنە جوعارى بٸلٸم مينيسترلٸگٸنە سٸلتەمە جاساپ حابارلايدى.

167 مىڭعا جۋىق ادام ۇبت-عا قاتىسۋعا ٶتٸنٸش بەردٸ. ولاردىڭ 76,7%-ى قازاق تٸلٸندە, 23,2%-ى ورىس تٸلٸندە, 142 ادام اعىلشىن تٸلٸندە تەستٸلەۋدەن ٶتۋگە ٶتٸنٸش بٸلدٸردٸ.

قاڭتار ۇبت-سىن ٶتكٸزۋدٸڭ بٸرٸنشٸ كٷنٸ قر عىلىم جەنە جوعارى بٸلٸم  مينيسترٸ ساياسات نۇربەك استانا قالاسىنداعى تەستٸلەۋ ورتالىقتارىنىڭ بٸرٸندە بولدى. ول ۇبت-نىڭ ٶتۋ بارىسىمەن تانىسىپ, بولاشاق ستۋدەنتتەرگە سەتتٸلٸك تٸلەدٸ.

«تالاپكەرلەر ٶتٸنٸش بەرۋ بارىسىندا تەستٸلەۋ كٷنٸن, ۋاقىتىن جەنە پۋنكتٸن ٶزدەرٸ تاڭدادى. تەستٸلەۋدٸڭ بٸرٸنشٸ كٷنٸ ەلٸمٸز بويىنشا 2277 ادام, ونىڭ ٸشٸندە ەلوردادا 155 تالاپكەر ۇبت تاپسىرادى. ەڭ كٶپ تاڭدالاتىن بەيٸندٸك پەندەر كومبيناتسيياسى بٸرنەشە جىل قاتارىنان ٶزگەرٸسسٸز قالىپ وتىر. تالاپكەرلەردٸڭ 17,5%-ى «ماتەماتيكا-فيزيكا» كومبيناتسيياسىن تاڭداعان. ياعني, بۇل بولاشاق ينجەنەرلەر, مەحانيكتەر, مۇعالٸمدەر, تەحنيكتەر مەن تەحنولوگتار, ەنەرگەتيكتەر, قۇرىلىسشىلار. ال 17,3%-ى «بيولوگييا-حيمييا», 10,3%-ى «ماتەماتيكا-ينفورماتيكا» پەندەرٸن تاڭدادى, سەيكەسٸنشە بولاشاق مەديتسينا قىزمەتكەرلەرٸ مەن IT ماماندارى», - دەدٸ مينيستر ساياسات نۇربەك.

ۇبت-داعى پەندەردٸڭ سانى ٶزگەرٸسسٸز قالادى, ياعني ٷشەۋٸ مٸندەتتٸ جەنە ەكەۋٸ تاڭداۋ بويىنشا پەندەر. ۇبت تاپسىرمالار سانى – 120. ونىڭ ٸشٸندە «قازاقستان تاريحىنان» 20 تاپسىرما, «وقۋ ساۋاتتىلىعىنان» 10 تاپسىرما, «ماتەماتيكالىق ساۋاتتىلىقتان» 10 تاپسىرما جەنە ەكٸ بەيٸندٸك پەن بويىنشا 40 تاپسىرمادان. جوعارى بالل – 140.

تەستٸلەۋ ۋاقىتى – 4 ساعات (240 مينۋت). بۇل رەتتە ەرەكشە بٸلٸم بەرۋ قاجەتتٸلٸكتەرٸ بار بالالار ٷشٸن ۇسىنىلاتىن قوسىمشا 40 مينۋت ۋاقىت ساقتالاتىنىن ايتا كەتۋ كەرەك.

ەستەرٸڭٸزگە سالا كەتسەك, قاڭتارداعى ۇبت-عا شارتتى تٷردە اقىلى نەگٸزدە كٷندٸزگٸ وقۋ نىسانى بويىنشا جوعارى وقۋ ورىندارىنا قابىلدانعان, جازعى ۇبت نەتيجەلەرٸ بويىنشا شەكتٸ بالل جيناماعاندار, شىعارماشىلىق ببت-دان باسقا دايىندىق باعىتتارىنا, پەداگوگيكالىق باعىتقا اقىلى نەگٸزدە اۋىسقىسى كەلەتٸندەر, سونداي-اق مەكتەپ بٸتٸرەتٸن تٷلەكتەر جوعارى وقۋ ورىندارىنا اقىلى نەگٸزدە تٷسۋ ٷشٸن قاتىسادى.