.jpg)
كوللاج: Ult.kz
مەجٸلٸس دەپۋتاتى اسحات ايماعامبەتوۆ ەلەۋمەتتٸك جەلٸدە بەلسەندٸ ۇستازدار تۋرالى پٸكٸرٸمەن بٶلٸستٸ, دەپ حابارلايدى Ult.kz.«باسقا مەملەكەتتەردە ديرەكتور ەر بالاعا بەستٸ ەكەل دەپ قولىن بەرٸپ جاتادى عوي. ول ەر باسشىنىڭ ٶز ستيلٸ عوي. مەن ٶزٸم جاس بولسام دا مەنٸڭ ستيلٸمدە ونداي جوق. مەنٸڭ ويىمشا ەر لاۋازىمدى تۇلعانىڭ ٶزٸنٸڭ رٶلٸ بولۋى كەرەك, ٶزٸنە تەن قاسيەتتەرٸ بولادى. سوندىقتان مەنٸڭ ويىمشا ۋنيۆەرسيتەتتٸڭ رەكتورى, مەكتەپتٸڭ ديرەكتورى قانشاما شەشٸلمەگەن پروبلەمالار بولا تۇرىپ, تاڭ اتقاننان كەشكە شەيٸن ريلز تٷسٸرٸپ, بي بيلەپ, تٷرلٸ ەزٸل ايتىپ جٷرسە, مەن ٶزٸم ونى قۇپتامايمىن. بٸراق ول وسى ازاماتتاردىڭ ٶز شەشٸمدەرٸ. مەن ونى قۇپتامايمىن دا, تٷسٸنبەيمٸن دە», - دەپ ايتتى Ult.kz تٸلشٸسٸنە اسحات ايماعامبەتوۆ.
بٸراق دەپۋتات ۇستازداردىڭ تانىمدىق, اعارتۋشىلىق ماقساتتا ەلەۋمەتتٸك جەلٸنٸ قولدانعانىنا قارسى ەمەس, كەرٸسٸنشە وقۋ-بٸلٸمدٸ ناسيحاتتاۋدىڭ جولى دەپ بٸلەدٸ.
«بٸراق ەر تٷرلٸ چەللەندجدەر بولادى عوي? ەگەر ولار تاقپاق ايتىپ, كٸتاپ وقۋ بويىنشا شاقىرسا, ول بٶلەك. ەگەر ٶز جۇمىسىنا قاتىستى, بالالاردىڭ قىزىعۋشىلىعىن وياتۋعا جۇمىس (ەلەۋمەتتٸك جەلٸ ارقىلى, رەد) ٸستەسە وندا ول بٶلەك. ول ونىڭ ماقساتىنا بايلانىستى. ەگەر بوستان بوسقا كەرەگٸ جوق, تٷسٸنٸكسٸز, ساموتسەل دەيدٸ عوي, پودپيسچيك جيناۋ سيياقتى جاي عانا ۋاقىت ٶتكٸزۋ, جاي عانا قالجىڭ بولاتىن بولسا, ونى ەرينە بٸز جەر مەن كٶكتەي ەكەنٸن تٷسٸنۋٸمٸز كەرەك», - دەپ ايتتى دەپۋتات.
ايتا كەتەيٸك, سوڭعى كەزدە ورتا مەكتەپ وقۋشىلارى مەن جوعارعى وقۋ ورىندارى ستۋدەنتتەرٸمەن بٸرگە ۇستازدار مەن ديرەكتورلاردىڭ اراسىندا ەلەۋمەتتٸك جەلٸدە بەلسەندٸلٸك ارتقان. كەي بٸر ۇستازدار ەل اراسىندا «TikTok ۇستاز» دەگەن لاقاپ اتقا دا يە بولعان.
بۇعار دەيٸن وقۋ-اعارتۋ مينيسترلٸگٸ قازاقستانداعى TikTok-پەن بٸرلەسٸپ مۇعالٸمدەرگە ارنالعان جوبالار دا ۇيىمداستىرعان جايى بار.
جالپى قوعامدا ۇستازداردىڭ ەلەۋمەتتٸك جەلٸدە بەلسەندٸ بولۋىنا قاتىستى تٷرلٸ پٸكٸر بار. ولاردىڭ بٸرٸ “زاماناۋي ترەندكە ٸلەسۋ ارقىلى جاس بۋىنمەن تٸل تابىسىپ, ولاردى تەربيلەي الامسىز” دەسە, تاعى بٸرٸ “بالالاردىڭ ەلەۋمەتتٸك جەلٸگە تەۋەلدٸلٸگٸنەن قۇتىلا الماي وتىرعاندا ۇستازداردىڭ ەلەۋمەتتٸك جەلٸدە ترەند تٷسٸرۋٸ دۇرىس ەمەس” دەيدٸ.
بالجان جەڭٸسقىزى
