ساۋل «كانەلو» الۆارەستٸڭ جاتتىقتىرۋشىسى ەرٸ مەنەدجەرٸ ەددي رەينوسو مەكسيكالىق سپورتشىنىڭ قازاقستاندىق گەنناديي گولوۆكينمەن 2022 جىلى ٷشٸنشٸ جەكپە-جەگٸن ٶتكٸزۋ ىقتيمالدىعىنا پٸكٸر بٸلدٸردٸ, دەپ حابارلايدى قازاقپارات Sports.kz سايتىنا سٸلتەمە جاساپ.
«بيىلعى جىلى «كانەلو» ەكٸ جەكپە-جەك ٶتكٸزۋدٸ جوسپارلاپ وتىر. بٸز ونى اقپان ايىنا دەيٸن دەمالدىرىپ, ودان كەيٸن جىلدى باستايمىز. گولوۆكينمەن ٷشٸنشٸ جەكپە-جەك? كٶرەرمٸز, مامىر نە قىركٷيەكتە كٶزدەۋگە بولادى. گولوۆكين جاقىندا «كانەلومەن» جۇدىرىقتاسۋ نيەتٸن بٸلدٸردٸ, سوندىقتان ٷشٸنشٸ جەكپە-جەك ٶتكٸزۋ ويدا بار. بٸراق ول ەندٸ ەكٸنشٸ ورتا سالماقتا ٶتەدٸ. ەگەر گولوۆكين قالاسا, كٶتەرٸلە الادى. ساۋل ەندٸ ورتا ديۆيزيونعا تٷسپەيدٸ. ول جوعارى كٶتەرٸلە الادى, ورتا سالماقتان الشاقتادى.
بەتەربيەۆ پەن بيۆول – بۇلار دا ۆاريانتتار. بيىل نە بولاتىنىن كٶرەيٸك», - دەدٸ رەينوسو Fight Hub TV-مەن ەڭگٸمەلەسۋ بارىسىندا.
بۇعان دەيٸن پروموۋتەر ەددي حيرن الۆارەسكە DAZN-دا مامىر ايىندا دميتريي بيۆولمەن جنە قىركٷيەكتە گولوۆكينمەن جەكپە-جەك ٶتكٸزۋدٸ ۇسىنعانىن راستادى.
