WBA, WBC جەنە WBO چەمپيونى مەكسيكالىق ساۋل "كانەلو" الۆارەس (56-1-2, 38 كو) باسپاسٶز مەسليحاتى كەزٸندە IBF تيتۋلىنا يە امەريكالىق كالەب پلانتپەن (21-0, 12 كو) تٶبەلەسٸپ قالدى, دەپ حابارلايدى "ۇلت اقپارات".
بۇل جيىن بوكسشىلاردىڭ 6 قاراشادا لاس-ۆەگاستا ٶتەتٸن جەكپە-جەگٸنە ارنالعان.
كٶزارباسۋ رەسٸمٸ كەزٸندە "كانەلو" سٶزگە كەلٸپ قالىپ, امەريكالىقتى كەۋدەسٸنەن يتەرٸپ جٸبەردٸ, ال پلانت مەكسيكالىقتى بەتٸنەن ۇرۋعا تىرىستى. وسىلايشا, تٶبەلەس باستالىپ كەتتٸ. الايدا ولاردى بٸردەن اجىراتىپ الدى.
"انام تۋرالى سٶيلەمە", - دەپ جازدى الۆارەس Twitter-دە تٶبەلەس ۆيدەوسىن جارييالاپ.
سۋرەتتەردەن پلانتتىڭ بەتٸنە تىرتىق تٷسكەنٸن بايقاۋعا بولادى.
«بۇل تىرتىق مەنٸڭ كٷننەن قورعايتىن كٶزٸلدٸرٸگٸمنەن بولدى. مەن كٶزٸلدٸرٸك كيگەن ەدٸم. بولعان نەرسە بولدى. بۇل بار بولعانى بەتتەگٸ كٸشكەنە سىزات», - دەدٸ ٶزٸنٸڭ جاراقاتى تۋرالى كالەب.
ەسكە سالا كەتەيٸك, «كانەلو» مەن پلانتتىڭ جەكپە-جەگٸ 6 قاراشا كٷنٸ لاس-ۆەگاستا 09:15-تە باستالادى.
