مەكسيكالىق بوكسشى ساۋل الۆارەس (52-1-2, 34 كو) كومانداسىنىڭ قىركٷيەكتەگٸ كەزدەسۋدەن باس تارتۋىنا قاتىستى ويىن بٸلدٸردٸ, دەپ حابارلايدى Sports.kz.
"مەكسيكالىق رەتٸندە مامىر جەنە قىركٷيەك ايلارىندا ەلٸمنٸڭ نامىسىن قورعاۋ مەن ٷشٸن زور جاۋاپكەرشٸلٸك. الايدا بٸرنەشە سالماق دەرەجەسٸ بويىنشا ەلەم چەمپيونى رەتٸندە بەسەكەلەستٸككە تولى "ەدەمٸ" جەكپە-جەك ٶتكٸزۋ دە مەنٸڭ مٸندەتٸم. سوندىقتان Golden Boy مەن مەنٸڭ كوماندام كەزدەسۋ كٷنٸن شەگەرۋدٸ شەشتٸ. بۇل جانكٷيەرلەرگە دەگەن قۇرمەت. بٸز ٷزدٸك قارسىلاسپەن ٷزدٸك جەكپە-جەك كٶرسەتكٸمٸز كەلەدٸ", - دەدٸ "كانەلو".
ەسكە سالا كەتسەك, ساۋل الۆارەس 14 قىركٷيەك كٷنٸ قازاقستاندىق بوكسشى گەنناديي گولوۆكينمەن (39-1-1, 35 كو) ٷشٸنشٸ كەزدەسۋٸن ٶتكٸزۋٸ تيٸس بولاتىن. بٸرٸنشٸ جەكپە-جەكتە ەكٸ بوكسشى دا تەڭ تٷستٸ. بۇل جانكٷيەرلەر نارازىلىعىن تۋدىرعان بولاتىن. ال ەكٸنشٸ كەزدەسۋدە جەڭٸس مەكسيكالىققا بەرٸلدٸ.
ساۋل "كانەلو" الۆارەس گولوۆكينمەن جەكپە-جەكتەن باس تارتتى.
Golden Boy پروموۋتەرلٸك كومپانيياسىنىڭ پرەزيدەنتٸ ەريك گومەس الۆارەستٸڭ كەلەسٸ كەزدەسۋٸ 2019 جىلدىڭ سوڭىنا دەيٸن ٶتكٸزٸلەتٸنٸن ايتتى. الايدا قارسىلاسى ەلٸ بەلگٸسٸز.
"كانەلو" رينگكە وسى جىلدىڭ سوڭىندا قايتا ورالادى. بٸز قازٸر بۇل مەسەلەنٸ قاراستىرىپ جاتىرمىز", - دەدٸ گومەس ESPN-گە بەرگەن سۇقباتىندا.
بوكسشىنىڭ ٶكٸلٸ جەكپە-جەكتٸ شەگەرۋگە "كانەلونىڭ" بۇرىنعى جاراقاتى سەبەپ بولدى دەگەن اقپاراتتى جوققا شىعاردى.
