مەكسيكالىق بوكسشى, تٶرت سالماق دەرەجەسٸ بويىنشا ەلەم چەمپيونى ساۋل الۆارەس قازاقستاندىق گەنناديي گولوۆكينمەن جەكپە-جەككە قاتىستى پٸكٸر بٸلدٸردٸ, - دەپ حابارلايدى Massaget.kz اگەنتتٸگٸ vRINGe.com باسىلىمىنا سٸلتەمە جاساپ.
"بٸزدە ەكٸ جەكپە-جەك بولدى, ال جانكٷيەرلەر ٷشٸنشٸسٸن قالايدى دەپ ويلايمىن. مەن رەۆانشتان كەيٸن بەرٸ اياقتالاتىنىنا سەنٸمدٸ بولدىم. ماعان بۇل جەتكٸلٸكتٸ بولدى. بٸراق جانكٷيەرلەر ٶز سۇراقتارىنا تولىق جاۋاپ الا المادى. ولار بٸزدٸڭ قايسىمىز مىقتى ەكەنٸمٸزدٸ ناقتى بٸلۋٸ كەرەك", - دەدٸ كانەلو Matchroom Boxing YouTube ارناسىنا بەرگەن سۇحباتىندا.
كانەلو ٶز تالاپتارىن بىلاي دەپ تٷسٸندٸردٸ: "ول ەرقاشان مەنٸڭ ونشا مىقتى ەمەس ەكەنٸمدٸ, مەكسيكانى ۇياتقا قالدىرىپ جٷرگەنٸمدٸ ايتتى. تاعىسىن تاعى. دەل وسى سەبەپتٸ مەن وعان اشۋلانامىن. بٸراق بەرٸنەن بۇرىن مەن وعان اشۋلانعان سەبەبٸمدٸ ايتايىن, ول مۇنىڭ بەرٸن مەنٸڭ كٶزٸمە ايتا المايدى. بٸز بٸر-بٸرٸمٸزگە قاراما-قارسى تۇرعاندا, ول قانداي دا بٸر سەبەپتەرمەن ٷندەمەيدٸ. بۇعان مەن اشۋلانامىن. بٸراق مەن وعان سپورتشى رەتٸندە قۇرمەت كٶرسەتەمٸن. ول - جاقسى, ٶتە قيىن قارسىلاس, مىقتى جەنە اقىلدى, بوكس تاريحىنداعى ەڭ ۇلى بوكسشىلاردىڭ بٸرٸ".
"مەن قازٸر شىڭدالا تٷستٸم, كٷشتٸ, تەجٸريبەلٸ بولا تٷستٸم دەپ سانايمىن. مەن قازٸر فورمانىڭ شىڭىنا شىقتىم دەپ ويلايمىن. بۇل شەشۋشٸ رٶل اتقارادى دەپ ويلايمىن. جانكٷيەرلەردٸڭ پٸكٸرٸ مە? جۇرت ايتا بەرەدٸ. ەگەر ول جەڭسە, ولار باقىتتى بولادى. ەگەر مەن جەڭسەم, مەن تۋرالى "بار بولعانى 40 جاستاعى ادامدى جەڭدٸ" دەپ ويلايدى. ولار نە ايتاتىنى ماڭىزدى ەمەس. مەن ٷشٸن تاعى بٸر نەرسە ماڭىزدى - مەنٸڭ كەزدەسۋگە دايىندىعىم, رينگتەگٸ ەرەكەتتەرٸم", - دەدٸ مەكسيكالىق.
الۆارەس ٷشٸنشٸ جەكپە-جەكتەن كەيٸن قول الىسۋ تۋرالى سۇراققا دا جاۋاپ بەردٸ. "بۇل مەنٸڭ ەڭ ٷلكەن جەڭٸستەرٸمنٸڭ بٸرٸ بولادى. ەر راۋندتا قيىن بولادى, بٸراق توعىزىنشى, ونىنشى نەمەسە 11-راۋندتا مەن جەكپە-جەكتٸ مەرزٸمٸنەن بۇرىن جەڭٸسپەن اياقتايمىن. جەكپە-جەكتەن كەيٸن قول الىسۋ بولا ما? بٸلمەيمٸن... بٸز ەكٸنشٸ جەكپە-جەكتە بٸر-بٸرٸمٸزگە قول تيگٸزدٸك. بەرٸ جاقسى بولىپ كٶرٸندٸ, سودان كەيٸن ول جەكپە-جەكتەن كەيٸن مەن تۋرالى بٸردەڭە ايتا باستادى. مەن ەرقاشان قارسىلاستار تۋرالى جاقسى جەنە قۇرمەتپەن ايتامىن. مەن قارسىلاستاردى ۇرىسقا دەيٸن جەنە ودان كەيٸن قۇرمەتتەيمٸن. جەكپە-جەكتەن كەيٸن قول الىسۋ بولا ما, جوق پا - بٸلمەيمٸن..." - دەدٸ ول.
18 قىركٷيەككە قاراعان تٷنٸ لاس-ۆەگاستا بوكس كەشٸ ٶتەدٸ, ونىڭ باستى جەكپە-جەگٸندە گەنناديي گولوۆكين مەن ساۋل الۆارەس كەزدەسەدٸ. مەكسيكالىق ەكٸنشٸ ورتا سالماقتاعى IBF, WBC, WBA Super جەنە WBO نۇسقالارى بويىنشا ابسوليۋت چەمپيون اتاعىن قورعاۋ ٷشٸن جەكپە-جەككە شىعادى. بۇل - GGG مەن كانەلونىڭ تريلوگيياسى, ولاردىڭ بٸرٸنشٸ جەكپە-جەگٸ تەڭ نەتيجەمەن اياقتالدى, ال ەكٸنشٸسٸ - تٶرەشٸلەردٸڭ باسىم بٶلٸگٸنٸڭ شەشٸمٸمەن مەكسيكالىقتىڭ پايداسىنا شەشٸلدٸ.
