قازاقستاندىق بوكسشى گەنناديي گولوۆكيننٸڭ پروموۋتەرٸ توم لەففلەر مەكسيكالىق ساۋل الۆارەسپەن ەكٸنشٸ جەكپە-جەكتەن كەيٸنگٸ قىزىق جاعداي تۋرالى ەڭگٸمەلەپ بەردٸ, دەپ حابارلادى Sputnik اگەنتتٸگٸ Sports.kz پورتالىنا سٸلتەمە جاساپ.
"VADA جەكپە-جەكتەن كەيٸن گولوۆكيندٸ كەزدەيسوق تەستەن ٶتكٸزبەكشٸ بولدى. مەن "كانەلونى" دا تەستٸلەۋ جوسپارعا ەنگٸزٸلگەنٸنە سەنٸمدٸمٸن. دەگەنمەن كەلەسٸ كٷنٸ دوپينگ-تەستٸلەۋ توقتاتىلدى. الدىمەن جوسپارلانىپ, كەيٸن توقتاتىلعانى قىزىق بولىپ تۇر… "كانەلو" بۇل كەزدە مەكسيكاعا بارىپ, ەت جەپ, ٶز "شەشٸمٸن" تويلاپ ٷلگەرگەن بولسا كەرەك", — دەپ جازدى لەففلەر تۆيتتەردە.
وسى مەلٸمدەمەدەن سوڭ كەيبٸر شەتەلدٸك باسپاسٶزدەر ماقالا جارييالاپ, "كانەلونىڭ" دوپينگ-تەستٸلەۋدەن باس تارتقانىن سىنعا الدى. كەيٸنٸرەك لەففلەر Metro باسىلىمىنا بەرگەن سۇحباتىندا نە ايتقىسى كەلگەنٸن تٷسٸندٸردٸ: "كانەلو" سوڭعى تەستٸلەۋدەن باس تارتتى دەگەن جوقپىن, ونى VADA توقتاتتى. بٸراق بۇل دوپينگ-تەستٸلەۋ توقتاتىلعان العاشقى جاعداي".
ەستەرٸڭٸزگە سالا كەتەيٸك, الۆارەستٸڭ ەكٸ دوپينگ-سىناماسىنان كلينبۋتەرول تابىلىپ, وسى جىلدىڭ اقپانى مەن تامىزى ارالىعىندا – التى ايعا بوكستان شەتتەتٸلگەن بولاتىن, بٸراق ونىڭ گولوۆكينمەن ەكٸنشٸ كەزدەسۋٸ قىركٷيەك ايىندا ٶتتٸ. ەكٸنشٸ جەكپە-جەكتە تٶرەشٸلەردٸڭ شەشٸمٸمەن "كانەلو" جەڭٸسكە جەتتٸ.
