مەكسيكالىق بوكسشى ساۋل «كانەلو» الۆارەس حالىقارالىق بوكس فەدەراتسيياسىنىڭ تۇجىرىمى بويىنشا (IBF) ورتا سالماقتاعى ەلەم چەمپيونى تيتۋلىنان ايىرىلدى, دەپ حابارلايدى Sports.kz سايتى.
«كانەلو» تاراپى سەرگەي دەرەۆيانچەنكو ٶكٸلدەرٸمەن مٸندەتتٸ ايقاس ٶتكٸزۋ تۋرالى كەلٸسٸمگە قول جەتكٸزە الماعان. بۇل تۋراى The Athletic ينسايدەرٸ مايك كوپپيندجەر تۋيتتەردە حابارلادى:
«دەرەككٶزدەر «كانەلو» مەن دەرەۆيانچەنكو اراسىندا كەلٸسسٶز بولماعانىن حابارلادى. الۆارەس IBF تيتۋلىنان كٷندٸزگٸ ساعات ٷشتەن كەيٸن ايىرىلدى. دەدلاين ۋاقىتى ٶتٸپ كەتتٸ. تاراپتار اقشاعا كەلٸسە المادى», - دەپ جازدى ول.
ەندٸ IBF دەرەۆيانچەنكو مەن گەنناديي گولوۆكين اراسىندا بوس تۇرعان بەلبەۋ ٷشٸن ايقاس تاعايىندايدى. GGG رەيتينگ بويىنشا كەلەسٸ ٷمٸتكەر سانالادى. دەرەككٶزدەرگە سەيكەس, ولاردىڭ كەلٸسسٶزدەرٸ ويداعىداي ٶتپەك.
