«ەلەۋمەتتٸك مەديتسينالىق ساقتاندىرۋ قورىنىڭ» نۇر-سۇلتان قالاسى بويىنشا فيليالىنىڭ ديرەكتورى ايدار سيتقازينوۆ بٷگٸن ەلوردا ەكٸمدٸگٸندە ٶتكەن باسپاسٶز مەسليحاتىندا قانداي جاعدايدا ەمحانانى اۋىستىرۋعا بولاتىنىن تٷسٸندٸردٸ, دەپ حابارلايدى قازاقپارات.
«نۇر-سۇلتان قالاسىنداعى ەمحانالارعا تٸركەلگەندەر سانى بويىنشا كٶرسەتكٸش ەرتٷرلٸ. مىسالى, №9 ەمحانادا 80 مىڭنان استام ادام تٸركەلگەن. بار بولعانى 2000 ادام عانا تٸركەلگەن مەديتسينالىق ۇيىمدار دا بار. تەپە-تەڭدٸكتٸڭ بولماۋى قالا تۇرعىندارىنىڭ قالاۋىنا بايلانىستى: بٸرٸ ٷيٸنە جاقىن ەمحاناعا تٸركەلسە, ەندٸ بٸرٸ دەرٸگەردٸ تاڭداپ تٸركەلەدٸ. ادام كٶپ تٸركەلگەن ەمحانا سوعان سەيكەس قارجىلاندىرىلادى. قاجەت بولعان جاعدايدا, ياعني بٶلٸنگەن قاراجات يگەرٸلمەسە, قاراجات مەملەكەتتٸك-جەكەشەلٸك ەرٸپتەستٸك اياسىندا ٶزگە ەمحاناعا اۋدارىلۋى مٷمكٸن», - دەيدٸ ايدار سيتقازينوۆ.
ول بٸر ادام جىلىنا بٸرنەشە ەمحانا اۋىستىرا الاتىنىن ايتتى.
«مىسالى, 15 قىركٷيەكتەن 15 قاراشاعا دەيٸن باسقا ەمحاناعا تٸركەلۋگە ۋاقىت بەرٸلەدٸ. وسى ۋاقىت ارالىعىند تەرريتورييالىق جاعىنان ىڭعايلى نەمەسە دەرٸگەرٸ كٶڭٸلٸڭٸزدەن شىعاتىن ەمحاناعا اۋىسا الاسىز. قالا ٸشٸندە بٸر اۋداننان ەكٸنشٸ اۋدانعا كٶشكەن جاعدايدا دا ەمحانا اۋىستىرۋعا بولادى. بۇل جاعداي بەلگٸلٸ بٸر ايعا, ۋاقىتقا قاتىسى جوق», - دەيدٸ ول.
سونداي-اق, فيليال ديرەكتورى جىل ٶتكەن سايىن جەكە كلينيكالار كٶبەيٸپ كەلە جاتقانىن ايتتى.
«ەلەۋمەتتٸك مەديتسينالىق ساقتاندىرۋ قورى ولارعا قادام جاساپ, تٸركەلگەن ادام سانىنا قاراي قاراجات بٶلەمٸز. سوندىقتان جاعدايىڭىزعا قاراي قانداي ەمحاناعا تٸركەلسەڭٸز دە, ٶز ەركٸڭٸزدە, بٸراق تەرريتورييا بويىنشا تاڭداۋ قاعيداسىن ۇستانۋىڭىز كەرەك. سەبەبٸ بٸزدە مەديتسينالىق قىزمەتتٸ ٷيگە بارىپ كٶرسەتۋ تٷرٸ بار. ياعني بەس جاسقا دەيٸنگٸ بالا اۋىرىپ قالسا, اياعى اۋىر ەيەل بولسا دەرٸگەر ٷيگە ٶزٸ بارادى. ەگەر ٶزٸڭٸز باسقا اۋداندا تۇرىپ, باسقا اۋداندا تٸركەلگەن ەمحانانىڭ دەرٸگەرٸن ٷيٸڭٸزگە شاقىرساڭىز, دەرٸگەر جۇمىسىن قيىنداتاسىز», - دەيدٸ ول.
تاعى بٸر ەسكەرەتٸن جايت, ەمحانا ازاماتتى باسقا ەمحاناعا تٸركەۋمەن اينالىسپايدى.
«باسقا ەمحاناعا تٸركەلۋ ٷشٸن ٶزٸڭٸز بارۋىڭىز كەرەك. تەرريتورييا بويىنشا سٸزگە جاقىن جەردەن جاڭا مەديتسينالىق نىسان اشىلعان جاعدايدا عانا ەمحانا سٸزدٸ ٶزٸ تٸركەۋٸ مٷمكٸن», - دەيدٸ ديرەكتور.
