سەكەن سەيفۋللين اتىنداعى قازاق اگروتەحنيكالىق ۋنيۆەرسيتەتٸنٸڭ پروفەسسورى, ەكونوميكا عىلىمدارىنىڭ كانديداتى قايرات بوداۋحان قانداستاردىڭ قاي ٶڭٸرلەرگە كٶبٸرەك كٶشەتٸنٸن ايتىپ بەردٸ, دەپ حابارلايدى قازاقپارات.
«2003-2007 جىلدار اراسىنداعى بەس جىلدا 60 مىڭ وتباسىعا كۆوتا بەلگٸلەنگەن جەنە ەلٸمٸزگە 250 مىڭنان استام قانداس كٶشٸپ كەلدٸ. ياعني, سول كەزدە جىل سايىن 50 مىڭنان استام ەتنيكالىق قازاق كٶشٸپ كەلسە, قازٸر بۇل كٶرسەتكٸش بار-جوعى 1358 ادام عانا», - دەدٸ قايرات بوداۋحان «وتانداستار قورى» كەاق جانىنداعى قوعامدىق كوميسسييانىڭ وتىرىسىندا.
ونىڭ ايتۋىنشا, 2017-2020 جىلدارى كۆوتا سانى نەبەرٸ 7 411 بولسا دا, كۆوتادان تىس ٷش جىلدا 2020 جىلدىڭ باستاپقى 8 ايىن قوسا ەسەپتەگەندە, 60 707 قانداس ەلگە قونىس اۋدارعان. سوڭعى 5 جىلدا 70 933 قانداس كٶشٸپ كەلگەن.
«بۇل رەتتە كۆوتا بٶلٸنبەگەن 5 ٶڭٸرگە – الماتى, جامبىل جەنە تٷركٸستان وبلىستارىنا جەنە الماتى مەن شىمكەنت قالالارىنا 32 222 ادام, ال ماڭعىستاۋ وبلىسىن ەسەپكە العاندا – 43 006 ادام كەلگەن, ياعني تۇتاس قانداستار سانىنىڭ 61%-ى وسى ٶڭٸرلەرگە كەلگەن. بۇل ساندار ادامداردىڭ ٶمٸر سٷرۋگە قولايلى ايماقتاردى تاڭدايتىنىن كٶرسەتەدٸ, ياعني تابيعي-كليماتتىق جەنە ەكونوميكالىق فاكتورلارعا باسىمدىق بەرٸلەدٸ. تۋىستىق قاتىناستاردىڭ بولۋى دا ماڭىزدى», - دەيدٸ عالىم.
