حالىقارالىق بوكس فەدەراتسيياسى (IBF) بارلىق سالماق ساناتىنداعى بوكسشىلار رەيتينگٸنٸڭ جاڭارتىلعان نۇسقاسىن ۇسىندى, دەپ حابارلايدى قازاقپارات Sports.kz سايتىنا سٸلتەمە جاساپ.
نازارلارىڭىزعا قازاقستاندىق بوكسشىلاردىڭ پوزيتسييالارىن ۇسىنامىز:
ەكٸنشٸ ورتا سالماقتا ايدوس ەربوسىنۇلى تٶرتٸنشٸ ورنىن ساقتاپ قالدى. العاشقى ەكٸ پوزيتسييا بوس, ٷشٸنشٸ ورىندا – رەسەيلٸك ەۆگەنيي شۆەدەنكو. بۇل ديۆيزيونداعى IBF ەلەم چەمپيونى – مەكسيكالىق ساۋل «كانەلو» الۆارەس.
ورتا سالماقتا ەلەم چەمپيونى اتاعى گەنناديي گولوۆكينگە تيەسٸلٸ. جەنٸبەك ەلٸمحانۇلى توعىزىنشى ورنىندا قالدى, ال مەيٸرٸم نۇرسۇلتانوۆ 12-شٸ ورىننان 13-شٸ ورىنعا تٶمەن تٷستٸ, ال 14-شٸ ورىندا بولعان قانات يسلام رەيتينگكە ٸلٸنبەي قالدى. ٷزدٸك 15-تٸڭ ٸشٸندە بٸرٸنشٸ ورىندا – برازيلييالىق بوكسشى ەسكيۆا فالكاو, ەكٸنشٸ ورىن بوس, ٷشٸنشٸ ورىندا – نەمٸس پاتريك ۆويتسيتسكي.
جارتىلاي ورتا سالماقتا ٶتكەن ايدا 13-شٸ ورىندا بولعان دانييار ەلەۋسٸنوۆ تە رەيتينگكە ٸلٸنبەدٸ. بۇل ديۆيزيوندا ەلەم چەمپيونى – امەريكالىق ەررول سپەنس, العاشقى ەكٸ پوزيتسييا بوس, ال ٷشٸنشٸ ورىندا – ونىڭ وتانداسى دجارون ەننيس.
