قازاقستاندىق بوكسشى قانات يسلام (27-0-1, 21 KO) گانا سپورتشىسى وبودايا سايمەن (لاقاپ اتى «چۋدو») ايقاساتىندىعى تۋرالى جارييالادى, دەپ حابارلايدى Sports.kz.
«حابارلاعانىما قۋانىشتىمىن! 20 اقپان كٷنٸ ساعات 21:00-دە (21 اقپان كٷنٸ نۇر-سۇلتان ۋاقىتىمەن ساعات 09:00-دە) كٶپتەن كٷتكەن جەكپە جەك ٶتەدٸ! بٸز سٸزدەردٸڭ ونى قالاي ۇزاق كٷتكەندەرٸڭٸزدٸ بٸلەمٸز!» - دەپ جازدى يسلام Instagram-داعى پاراقشاسىندا.
ون راۋندىق جەكپە-جەك مايامي قالاسىندا ٶتەدٸ (فلوريدا شتاتى, اقش).
ەسكە سالا كەتسەك, 2019 جىلدىڭ قازان ايىندا كەسٸپقوي بوكستاعى سوڭعى جەكپە جەگٸندە قانات يسلام الماتىدا ناميبييا بوكسشىسى ۋولتەر كاۋتوندوكۆادان (18-2, 17 كو) باسىم تٷسٸپ, WBO International دەرەجەسٸ بويىنشا ورتا سالماقتاعى تيتۋلدى جەڭٸپ العان بولاتىن.
