قازاقستاندىق كەسٸپقوي بوكسشى باتىر جٷكەمباەۆ (17-0, 13 كو) باستى ايقاستا شىعاتىن كاناداداعى بوكس كەشٸنە بارلىق بيلەتتەر ساتىلىپ كەتتٸ. بۇل تۋرالى بوكسشىنىڭ PR-مەنەدجەرٸ مەلٸم ەتتٸ, دەپ حابارلايدى قازاقپارات تٸلشٸسٸ.
جەكپە-جەك 25 قاڭتاردا كانادانىڭ مونرەال قالاسىنداعى Montreal Casino ارەناسىندا ٶتەدٸ.
قازاقستاندىق بوكسشى بٸرٸنشٸ ورتا سالماقتاعى WBA Continental Americas جەنە IBF Inter-Continental تيتۋلدارىن قورعايدى. قارسىلاسى – ارگەنتينالىق ماكسيميليانو ريكاردو ۆەرون (12-3-1, 4 كو).
«قارسىلاسىم 16 جەكپە-جەكتە 12 مەرتە جەڭٸسكە جەتكەن IBF Latino چەمپيونى. بۇل 2020 جىلعى مەن ٷشٸن العاشقى ٷلكەن سىناق!», - دەپ جازعان بولاتىن وتانداسىمىز Instagram-پاراقشاسىندا.
ەستەرٸڭٸزگە سالا كەتەيٸك, باتىر جٷكەمباەۆ بىلتىر 26 قىركٷيەك كٷنٸ مونرەالدا مەكسيكالىق ميگەل ۆاسكەسكە قارسى (41-9, 15 كو) ٶتكٸزگەن سوڭعى جۇدىرىقتاسۋىندا تٶرەشٸلەردٸڭ بٸراۋىزدى شەشٸمٸمەن جەڭٸسكە جەتكەن بولاتىن. حالىقارالىق بوكس ۇيىمىنىڭ (IBO) رەيتينگٸندە ول ٶز سالماعىندا 11-شٸ ورىندا تۇر.
