فوتو: كوزاچكوۆ Telegram
استانادا اۋداندىق دەڭگەيدەگٸ پوليتسييا باسشىسى ٶزٸنە تٸكەلەي جەتەكشٸلٸك ەتەتٸن باستىعىن تەلەفون قوڭىراۋىنا جاۋاپ بەرمەگەنٸ ٷشٸن ۇرىپ-سوققان. بۇل تۋرالى ميحايلا كوزاچكوۆاتىڭ Telegram ارناسى جازادى, دەپ حابارلايدى Ult.kz.
جاقىندا استانادا 32 جاستاعى ەلي ابەتاەۆقا قاتىستى سوت ٷكٸمٸ جارييالاندى. ول بۇرىن قاراپايىم ۋچاسكەلٸك ينسپەكتور بولىپ قىزمەت ەتٸپ, كەيٸننەن ەسٸل اۋدانى پوليتسييا باسقارماسىنداعى جەرگٸلٸكتٸ پوليتسييا قىزمەتٸ بٶلٸمٸنٸڭ باستىعىنىڭ ورىنباسارى قىزمەتٸنە تاعايىندالعان.
ٶتكەن جىلدىڭ ماۋسىم ايىندا ابەتاەۆ پوليتسييا بٶلٸمٸندە كەزەكشٸ بولىپ قىزمەتكە كٸرٸسكەن. دەل سول كٷنٸ ونىڭ باستىعى سەكەن نوگاەۆ ۋچاسكەلٸك ينسپەكتورلارمەن بٸرگە مەيرامحانالاردى تەكسەرۋ رەيدٸنە شىققان.
نوگاەۆ پەن ونىڭ قاراماعىنداعى قىزمەتكەرلەر «تانۋكي» مەيرامحاناسىندا كليەنتتەرگە كاليان ۇسىنىلىپ جاتقانىن انىقتايدى. نوگاەۆتىڭ ايتۋىنشا, قىزمەتكەرلەر ەكٸمشٸلٸك حاتتاما تولتىرىپ جاتقان كەزدە ولارعا ابەتاەۆ پەن ولاردىڭ ورتاق باسشىسى ايدوس مومبيەۆ تەلەفون شالىپ, مەيرامحانادان كەتۋدٸ تالاپ ەتكەن. الايدا سول ۋاقىتتا ولار ايىپپۇلداردى سالىپ ٷلگەرگەن.
وسىدان كەيٸن نوگاەۆ «Berezka» مەيرامحاناسىنا بارعانىن ايتادى. بٸراق قاراماعىنداعى قىزمەتكەرلەر مومبيەۆتٸڭ اشۋىنان قورقىپ, ٸشكە كٸرۋدەن باس تارتقان. سول سەتتە نوگاەۆقا ابەتاەۆ تاعى دا قوڭىراۋ شالعان, الايدا ول تەلەفونىنىڭ ٸستەن شىعۋىنا بايلانىستى جاۋاپ بەرە الماعان.
اقىرى ابەتاەۆ نوگاەۆقا ەرٸپتەستەرٸ ارقىلى حابارلاسىپ, ونى «Meat&Bear» مەيرامحاناسىنىڭ جانىنا كەلۋگە شاقىرعان. سول جەردە ەلي نوگاەۆتان نەگە قوڭىراۋعا جاۋاپ بەرمەگەنٸن سۇراپ, سٶز تالاسى باستالعان. سونىڭ سوڭى جانجالعا ۇلاسىپ, ابەتاەۆ باستىعىن ۇرا باستاعان, تٸپتٸ تۇنشىقتىرۋ ەدٸسٸن دە قولدانعان.
سالدارىنان نوگاەۆ مەديتسينالىق كٶمەككە جٷگٸنٸپ, كەيٸن قۇقىق قورعاۋ ورگاندارىنا ارىز تٷسٸرگەن.
تەرگەۋ بارىسىندا وقيعاعا قاتىسى بار بارلىق ادامداردان جاۋاپ الىنعان. ولاردىڭ ٸشٸندە ايدوس مومبيەۆ تە بولعان. ول ەشقانداي زاڭسىز بۇيرىق بەرمەگەنٸن, مەيرامحانالاردى «قورعامايتىنىن», ال نوگاەۆتى تەك ورتاق چاتقا ەسەپ جٸبەرمەگەنٸ ٷشٸن ٸزدەگەنٸن ايتقان. ياعني جاي عانا الاڭداعانىن جەتكٸزگەن.
اقىرىندا ٶز ەرٸپتەسٸنە قول كٶتەرگەن ەلي ابەتاەۆقا باستاپقىدا قىزمەتتٸك ٶكٸلەتتٸگٸن اسىرا پايدالاندى دەگەن ايىپ تاعىلعان. الايدا سوت بارىسىندا پروكۋراتۋرا ٸستٸڭ سارالانۋىن ٶزگەرتٸپ, ونى دەنساۋلىققا جەڭٸل زييان كەلتٸرۋ بابى بويىنشا قاراۋدى ۇسىنعان.
سوت وسى ۇستانىممەن كەلٸسٸپ, بۇرىنعى كاپيتانعا بٸر جىل مەرزٸمگە باس بوستاندىعىن شەكتەۋ جازاسىن تاعايىندادى.
سوندا فورمامەن جٷرگەن, قىزمەت بارىسىندا بولعان پوليتسييا قىزمەتكەرٸن ۇرىپ, اۋرۋحاناعا تٷسٸرسەڭ – بار بولعانى 12 اي پروباتسييا عانا ما?
ٷكٸم ەلٸ زاڭدى كٷشٸنە ەنگەن جوق.
