Foto: Kozachkov Telegram
Astanada aýdandyq deńgeidegi politsiia basshysy ózine tikelei jetekshilik etetin bastyǵyn telefon qońyraýyna jaýap bermegeni úshin uryp-soqqan. Bul týraly Mihaila Kozachkovatyń Telegram arnasy jazady, dep habarlaidy Ult.kz.
Jaqynda Astanada 32 jastaǵy Áli Abetaevqa qatysty sot úkimi jariialandy. Ol buryn qarapaiym ýchaskelik inspektor bolyp qyzmet etip, keiinnen Esil aýdany Politsiia basqarmasyndaǵy jergilikti politsiia qyzmeti bóliminiń bastyǵynyń orynbasary qyzmetine taǵaiyndalǵan.
Ótken jyldyń maýsym aiynda Abetaev politsiia bóliminde kezekshi bolyp qyzmetke kirisken. Dál sol kúni onyń bastyǵy Sáken Nogaev ýchaskelik inspektorlarmen birge meiramhanalardy tekserý reidine shyqqan.
Nogaev pen onyń qaramaǵyndaǵy qyzmetkerler «Tanýki» meiramhanasynda klientterge kalian usynylyp jatqanyn anyqtaidy. Nogaevtyń aitýynsha, qyzmetkerler ákimshilik hattama toltyryp jatqan kezde olarǵa Abetaev pen olardyń ortaq basshysy Aidos Mombiev telefon shalyp, meiramhanadan ketýdi talap etken. Alaida sol ýaqytta olar aiyppuldardy salyp úlgergen.
Osydan keiin Nogaev «Berezka» meiramhanasyna barǵanyn aitady. Biraq qaramaǵyndaǵy qyzmetkerler Mombievtiń ashýynan qorqyp, ishke kirýden bas tartqan. Sol sátte Nogaevqa Abetaev taǵy da qońyraý shalǵan, alaida ol telefonynyń isten shyǵýyna bailanysty jaýap bere almaǵan.
Aqyry Abetaev Nogaevqa áriptesteri arqyly habarlasyp, ony «Meat&Bear» meiramhanasynyń janyna kelýge shaqyrǵan. Sol jerde Áli Nogaevtan nege qońyraýǵa jaýap bermegenin surap, sóz talasy bastalǵan. Sonyń sońy janjalǵa ulasyp, Abetaev bastyǵyn ura bastaǵan, tipti tunshyqtyrý ádisin de qoldanǵan.
Saldarynan Nogaev meditsinalyq kómekke júginip, keiin quqyq qorǵaý organdaryna aryz túsirgen.
Tergeý barysynda oqiǵaǵa qatysy bar barlyq adamdardan jaýap alynǵan. Olardyń ishinde Aidos Mombiev te bolǵan. Ol eshqandai zańsyz buiryq bermegenin, meiramhanalardy «qorǵamaitynyn», al Nogaevty tek ortaq chatqa esep jibermegeni úshin izdegenin aitqan. Iaǵni jai ǵana alańdaǵanyn jetkizgen.
Aqyrynda óz áriptesine qol kótergen Áli Abetaevqa bastapqyda qyzmettik ókilettigin asyra paidalandy degen aiyp taǵylǵan. Alaida sot barysynda prokýratýra istiń saralanýyn ózgertip, ony densaýlyqqa jeńil ziian keltirý baby boiynsha qaraýdy usynǵan.
Sot osy ustanymmen kelisip, burynǵy kapitanǵa bir jyl merzimge bas bostandyǵyn shekteý jazasyn taǵaiyndady.
Sonda formamen júrgen, qyzmet barysynda bolǵan politsiia qyzmetkerin uryp, aýrýhanaǵa túsirseń – bar bolǵany 12 ai probatsiia ǵana ma?
Úkim áli zańdy kúshine engen joq.
