قالاداعى جالعىزدىق: ٸشكٸ تەپە تەڭدٸكتٸ تابۋ جولى قانداي?

فوتو: HuffPost

Ult.kz-تە جيھانكەز جۋرناليست دينارا بولاتتىڭ ٶزگە پايىمى

قالا تۇرعىندارىندا شارشاۋ كٶپ. ونى ەلەۋمەتتٸك جەلٸ قولدانۋشىلارىنىڭ جازبالارىنان بايقاۋعا بولادى.

قالالىق ٶمٸر جاستارعا, جاس وتباسىعا كٶپتەگەن مٷمكٸندٸكتەر بەرگەنٸمەن, ونىڭ ادامعا ٷلكەن پسيحولوگييالىق سالماعى دا بار. قالا تۇرعىندارى جيٸ تىنىشتىقتى نەمەسە جالعىزدىقتى اڭسايدى. سەبەبٸ قالادا اۋىلمەن سالىستىرعاندا اقپارات, شۋ ٶتە كٶپ. كٷن سايىن ادام جارناما, ەلەۋمەتتٸك جەلٸلەر, جاڭالىقتار مەن تٷرلٸ دىبىستار, سونىمەن قاتار كٶلٸك كەپتەلٸسٸ, كٶشەلەردٸڭ شۋى, قالاداعى ٶمٸردٸڭ جوعارى تالاپتارى مەن موبيلدٸگٸ جٷيكە جٷيەسٸن شارشاتادى, ادامدى كٷندەلٸكتٸ قىسىمدا ۇستايدى.

ال اۋىل ادامدارىندا كەرٸسٸنشە زەۋلٸم عيماراتتارسىز اشىق كەڭٸستٸك پەن تازا اۋا بار. سونىمەن بٸرگە اۋىلدا ادامدار اراسىنداعى قارىم-قاتىناس تۇراقتى, تۋىس, كٶرشٸ, ۇجىم, دوس-جاران تىعىز بايلانىستا. مۇنداي قاۋىمداستىقتىڭ ٸشٸندە ادام ٶزٸن جالعىز سەزٸنٸپ ٷلگەرمەيدٸ. اۋىل حالقى تابيعاتقا جاقىن ٶمٸر سٷرەدٸ. اۋىلدا اقپاراتتىق جٷكتەمە از, ەرٸ ٶمٸر ىرعاعى باياۋ. كٷن دە ۇزاق.

ەرينە قالا تۇرعىندارىنا پسيحولوگييالىق قىسىمدى ازايتۋ ٷشٸن قايتا اۋىلعا كٶشٸپ كەتۋ شەشٸم ەمەس.

قالالىق ٶمٸردٸڭ شارشاۋىن ازايتۋ ٷشٸن تابيعاتتا جيٸ سەرۋەندەۋ, تەلەفونسىز كٷن نەمەسە بٸرنەشە ساعات ٶتكٸزٸپ, اقپاراتتىق ٷزٸلٸس جاساۋ قاجەت. بٸر كەز تىنىشتىققا, سٷيٸكتٸ ٸسٸنە, ۇمىت قالعان قىزىعۋشىلىققا بەت بۇرىپ, كەزدەسۋگە, كٶڭٸل بٶلۋگە قولى تيمەي ەلەۋسٸز قالدىرعان قىمبات ادامدارىنا ۋاقىت ارناۋ ماڭىزدى. مۇنداي قاراپايىم ەرەكەتتەر ادامعا قالانىڭ قارقىنىنا قاراماستان ٸشكٸ تەپە-تەڭدٸكتٸ ساقتاۋعا كٶمەكتەسەدٸ. ٶزٸنٸڭ ٷلكەن قالاداعى ارپالىستىڭ كەزەكتٸ قۇربان ەمەس, تولىققاندى ٶمٸر يەسٸ سەزٸنۋگە جول اشادى.

پايىم

ەرينە قالاداعى قاربالاس قاجىتادى. الايدا قالانىڭ دامۋ جولىنا تٷسكەن جاندارعا مٷمكٸندٸك كٶپ. تىڭ يدەيالار, وزىق ٷلگٸلەر, جاڭاشىلدىقتار. قالالىق ورتا ادامنىڭ كٶكجيەگٸن كەڭەيتٸپ, تۇلعا رەتٸندە ٶزٸن تٷرلٸ باعىتتا ٸسكە اسىرۋىنا جول اشادى. سول سەبەپتٸ قالادان شارشاعان كەزدە شارشاۋدى باسۋدىڭ امالدارىن تاۋىپ, توقتاپ, اپتىعىن باسىپ الىپ, كەزٸندە ارمانداعان باقىتتى ٶمٸردٸ سٷرٸپ جاتقاندىعىن تٷسٸنٸپ, اۋقىم مەن ٸشكٸ تەپە-تەڭدٸكتٸڭ ٷيلەسٸم جولىن تاپقان دۇرىس.

دينارا بولات