Foto: HuffPost
Ult.kz-te jihankez jýrnalist Dinara Bolattyń ózge paiymy
Qala turǵyndarynda sharshaý kóp. Ony áleýmettik jeli qoldanýshylarynyń jazbalarynan baiqaýǵa bolady.
Qalalyq ómir jastarǵa, jas otbasyǵa kóptegen múmkindikter bergenimen, onyń adamǵa úlken psihologiialyq salmaǵy da bar. Qala turǵyndary jii tynyshtyqty nemese jalǵyzdyqty ańsaidy. Sebebi qalada aýylmen salystyrǵanda aqparat, shý óte kóp. Kún saiyn adam jarnama, áleýmettik jeliler, jańalyqtar men túrli dybystar, sonymen qatar kólik keptelisi, kóshelerdiń shýy, qaladaǵy ómirdiń joǵary talaptary men mobildigi júike júiesin sharshatady, adamdy kúndelikti qysymda ustaidy.
Al aýyl adamdarynda kerisinshe záýlim ǵimarattarsyz ashyq keńistik pen taza aýa bar. Sonymen birge aýylda adamdar arasyndaǵy qarym-qatynas turaqty, týys, kórshi, ujym, dos-jaran tyǵyz bailanysta. Mundai qaýymdastyqtyń ishinde adam ózin jalǵyz sezinip úlgermeidi. Aýyl halqy tabiǵatqa jaqyn ómir súredi. Aýylda aqparattyq júkteme az, ári ómir yrǵaǵy baiaý. Kún de uzaq.
Árine qala turǵyndaryna psihologiialyq qysymdy azaitý úshin qaita aýylǵa kóship ketý sheshim emes.
Qalalyq ómirdiń sharshaýyn azaitý úshin tabiǵatta jii serýendeý, telefonsyz kún nemese birneshe saǵat ótkizip, aqparattyq úzilis jasaý qajet. Bir kez tynyshtyqqa, súiikti isine, umyt qalǵan qyzyǵýshylyqqa bet buryp, kezdesýge, kóńil bólýge qoly timei eleýsiz qaldyrǵan qymbat adamdaryna ýaqyt arnaý mańyzdy. Mundai qarapaiym áreketter adamǵa qalanyń qarqynyna qaramastan ishki tepe-teńdikti saqtaýǵa kómektesedi. Óziniń úlken qaladaǵy arpalystyń kezekti qurban emes, tolyqqandy ómir iesi sezinýge jol ashady.
Paiym
Árine qaladaǵy qarbalas qajytady. Alaida qalanyń damý jolyna túsken jandarǵa múmkindik kóp. Tyń ideialar, ozyq úlgiler, jańashyldyqtar. Qalalyq orta adamnyń kókjiegin keńeitip, tulǵa retinde ózin túrli baǵytta iske asyrýyna jol ashady. Sol sebepti qaladan sharshaǵan kezde sharshaýdy basýdyń amaldaryn taýyp, toqtap, aptyǵyn basyp alyp, kezinde armandaǵan baqytty ómirdi súrip jatqandyǵyn túsinip, aýqym men ishki tepe-teńdiktiń úilesim jolyn tapqan durys.
Dinara Bolat
.jpg)
