يلليۋستراتسييالىق فوتو ©تۇرار قازانعاپوۆ
ەلەۋمەتتٸك جەلٸلەردە ماس ەر ادام قوعامدىق ورىندا بايبالام سالىپ جاتقان ۆيدەو تارادى. ونىڭ سيپاتتاماسىندا دەپۋتات بەكبولات شكانوۆ كافەدە ٶزٸن دٶرەكٸ ۇستاپ, كافە قىزمەتكەرلەرٸن قورقىتىپ, جانجال شىعارعانى جازىلعان, - دەپ حابارلايدى Tengrinews.kz تٸلشٸسٸ.
ۆيدەو 2021 جىلى تٷسٸرٸلگەنٸ بەلگٸلٸ بولدى. كادرلاردا شىنىمەن باتىس قازاقستان وبلىسى بەيتەرەك اۋداندىق مەسليحاتىنىڭ دەپۋتاتى بەكبولات شكانوۆ. ەر ادام Amanat پارتيياسىنىڭ مٷشەسٸ, سونداي-اق ٸرٸ جول-قۇرىلىس كومپانيياسىن باسقارادى.
بەكبولات شكانوۆتىڭ ٶزٸ دە ۆيدەوعا تٷسٸنٸك بەردٸ.
"وقيعا بىلتىر كافەدە بولدى, وندا مەنٸڭ اياعىمدى سىندىردى. قىلمىستىق ٸس قوزعالىپ, كەيٸن توقتاتىلدى. قازٸر مەنٸڭ ادۆوكاتىم تەرگەۋدٸ قايتا باستاۋعا تىرىسىپ جاتىر. بۇل ۆيدەونى وسى مەكەمەدە جۇمىس ٸستەيتٸن جٸگٸت تاراتىپ جاتىر. ولار تەك رەزونانس جاساعىسى كەلەدٸ. پوليتسييادا بۇل كادرلار بار. بەينە بٸرنەشە رەت جٶندەلگەن. ولار مەن دەپۋتات بولعاندىقتان قورقىتىپ جٷر. مەن ٶز ورنىمدى ۇستاپ قالۋعا تىرىسپايمىن, دەپۋتاتتىق لاۋازىمىمدى قالدىرا دا الامىن", - دەدٸ بەكبولات شكانوۆ.
بقو پوليتسييا دەپارتامەنتٸ بۇل وقيعانىڭ 2021 جىلى بولعانىن راستادى. قازٸر اتالعان دەرەك بويىنشا تەرگەۋ جٷرٸپ جاتىر. زەرتتەۋ نىسانى - جارييالانعان ۆيدەو. پوليتسييا ونى تاراتۋشىلار جاۋاپقا تارتىلۋى مٷمكٸن ەكەنٸن جوققا شىعارمادى.
