شەشەنستان باسشىسى رامزان قادىروۆ شەشەن ازاماتتارىنىڭ سيرييادا رەسەي قورعانىس مينيسترلٸگٸنٸڭ ەسكەري پوليتسييا باتالونى قۇرامىندا قىزمەت ەتٸپ جٷرگەنٸن راستادى. بۇل جايىندا ول ٶزٸنٸڭ Instagram-داعى پاراقشاسىندا جازدى.
قادىروۆ بۇعان دەيٸن سيريياعا شەشەن ازاماتتارىنىڭ جٸبەرٸلگەنٸ تۋرالى اقپاردى جوققا شىعارىپ كەلگەن ەدٸ.
جەلتوقساننىڭ باسىندا "يزۆەستييا" جەنە "كوممەرسانت" باسىلىمدارى قورعانىس مينيسترلٸگٸندەگٸ دەرەككٶزدەرٸنە سٸلتەمە جاساپ, "شەشەن ارنايى جاساعىنىڭ" ەكٸ باتالونى رەسەي ەسكەريلەرٸ مەن اۆياتسيياسى ورنالاسقان سيرييانىڭ حمەيميم ەۋە بازاسىن كٷزەتۋگە جٸبەرٸلگەنٸن حابارلاعان. "كاۆكاز. رەاليي" جوباسى حانكالاداعى رەسەي بازاسىنان سيريياعا جٶنەلتٸلۋگە دايىندالىپ جاتقان ارنايى جاساق ساربازدارى دەلٸنگەن ۆيدەو جارييالاعان.
كەيٸن "نوۆايا گازەتا" باسىلىمى جاعدايمەن تانىس دەرەككٶزٸنە سٸلتەمە جاساپ, شەشەنستان بيلٸگٸنە سيريياعا جٶنەلتەتٸن ەكٸ باتالون قۇرۋعا تاپسىرما بەرٸلگەنٸن, ال وعان جاۋاپتى ادام رەتٸندە مەملەكەتتٸك دۋما دەپۋتاتى ادام دەليمحانوۆ تاعايىندالعانىن حابارلاعان. قاڭتاردىڭ باسىندا باسىلىم شەشەن ەسكەريلەرٸنە ارنالعان سيريياعا قاتىستى قۇرلىقتاعى وپەراتسييالار كەزٸندە ورىنداۋ قاجەت كەڭەستەرٸ بار كٸتاپشا جارييالاعان.
