پرەزيدەنتتٸك كادر رەزەرۆٸنە كٸرگەن جاستار لاۋازىمعا تاعايىندالماي تۇرىپ, ارنايى ەزٸرلەنگەن باعدارلامامەن بٸلٸمدەرٸن جەتٸلدٸرەدٸ. بۇل تۋرالى بٷگٸن اقوردادا مەملەكەت باسشىسى قاسىم-جومارت توقاەۆتىڭ پرەزيدەنتتٸك كادر رەزەرۆٸنە ەنگەن جاستارمەن كەزدەسۋٸندە قر مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆا ايتتى, دەپ حابارلايدى قازاقپارات.
«جۇمىسىمىز وسىمەن بٸتپەيدٸ. بٸز جوبانى جٷزەگە اسىرۋدىڭ جاڭا كەزەڭٸنە كٶشەمٸز. رەزەرۆتەگٸلەر جاڭا لاۋازىمعا تاعايىندالعانعا دەيٸن ارنايى ەزٸرلەگەن باعدارلامامەن وقىتقىمىز كەلەدٸ. كۋرستار ساراپشى-قاتىسۋشىنىڭ ۇسىنىمىن ەسكەرە وتىرىپ, دەربەس بولۋى ىقتيمال. باعدارلاما رەزەرۆشٸنٸڭ جاۋاپتى مەملەكەتتٸك لاۋازىمدا جۇمىس ٸستەۋ ٷشٸن قاجەتتٸ قوسىمشا بٸلٸم الۋىنا باعىتتالادى», - دەدٸ اگەنتتٸك باسشىسى.
ونىڭ اتاپ ٶتۋٸنشە, پرەزيدەنتتٸك رەزەرۆ جاساقتاۋ باستاماسى ەلٸمٸزدە دە, سونىمەن قاتار ودان تىسقارى جەرلەردە قوعام تاراپىنان كەڭٸنەن قولداۋ تاپقان.
«رەزەرۆشٸلەردٸڭ مەلٸمدەلگەن سانى دا ايرىقشا تانىمالدىققا يە بولدى. بۇل رەتتە, رەزەرۆتەگٸلەردٸ داڭقتى 30 سپارتاندىقپەن جيٸ سالىستىرىپ جاتادى. دەل وسى رەزەرۆكە كٸرۋ ٷشٸن ٷمٸتكەرلەر اراسىندا بەسەكەلەستٸك پەن ينتەللەكتۋالدىق باقتالاستىق بولدى. پرەزيدەنتتٸك جاستار كادر رەزەرۆٸ سىندى شىڭدى باعىندىرعان جاستارىمىز بەلگٸلەنگەن بيٸكتٸكتٸ ۇستاپ تۇرارىنا سەنەمٸن», - دەدٸ انار جايىلعانوۆا.
